اسكتش فرحان ولا زعلان للاطفال
يدخل سفروت يردد الكلام بنغمة مع الاطفال .
سفروت : انا فرحان اكيد فرحان معايا فاديا بيفكر فيا وشايل همى من زمانانا فرحان اكيد فرحان معايا فاديا بيفكر فيا وشايل همى من زمان
زقلط : اية الحكاية ؟ واية السعادة اللى انتم فيها دية ؟ هو فى حد فى الدنيا دلوقتى ممكن يقول انا فرحان ؟
سفروت : اية يا زقلط الدوشة اللى انت عملتها دية كدة تقطع الترنيمة بالشكل دة
زقلط : اصل صوتكم جايب اخر الدنيا وقال اية انافرحان انا فرحان ... ازاى بقى ابقى فرحان ؟
سفروت :وانت اية اللى مزعلك يا قلط ؟
زقلط : علشان انتم مش واخدين بالكم دى كل الدنيا مليانة مشاكل وفيها تعبزلازل وبراكين وناس فقيرة وناس تعبانة فى الشغل وانتم فرحانين
سفروت : ايوة يا زقلط رغم كل المشاكل دية احنا فرحانين علشان احنا مسيحيينوالهنا يسوع ماشى معانا وبيفكر فينا واحنا مبسوطين ان احنا مسيحيين لانمسيحينا زى السكر
زقلط : واشمعنى انتم المسيحيين فرحانين بقى قوى كدة ؟
سفروت : يا زقلط مش قلتلك ان احانا معانا بابا يسوع هو اللى بيهتم بينا وعارف اسامينا
زقلط : طيب انتم يا صغيرين يا ترى لما هتكبروا هتقولوا نفس الكلام دة ؟
{ نسمع راى الاطفال }
سفروت : يا زقلط اصحابى مش صغيرين لانهم عارفين وفاهمين ان يسوع عارف كلواحد فينا باسمة ونقشنا كلنا على كف ايدة وحاسس بينا ومهتم بكل واحد فيناوبيعتنى بية
زقلط : سفروت .... سفروت يا حبيبى انت قلت حاجة كدة واكيد انت مش قاصدهاانت قلت ان بابا يسوع عارف كل واحد فينا باسمة وناقشنا على كف ايدة انت طبعا اكيد يعنى متقصدش اللى انت قلتة دا احنا عددنا كبير قوى ازاى ربناهيبقى حافظنا باسمنا ؟
سفروت : تحب تشوف
زقلط : ياريت
سفروت : زمان قوى ربنا كان عايز يلىواحد من شعبة ملك فكلم صموئيل النبى وقال لة روح لبيت واحد اسمة يسى واناهقولك على واحد من اولادة تخلية يبقى الملك لشعبى وفعلا راح صموئيل لبيت يسى وقال ربنا اختار واحد من اولادك يبقى الملكولما شاف صموئيل ابن يسى الاول قال لنفسة اكيد ربنا اختار ابن يسى الكبيرلكن ربنا قالة لا يا صموئيل سيبك من الكبير مش هو اللى انا اخترتة وفعلا قابل صموئيل ابن يسى الثانى ولقاة ولد طويل وعريض وشكلة كويس قالاكيد ربنا اختارة علشان يكون الملك لكن صموئيل سمع صوت ربنا بيقولة لا ياصموئيل مش هو دة اللى انا اخترتة انت بتبص للشكل لكن انا ببص للقلب وفضلصموئيل يشوف اولاد يسى ولد بعد الثانى وكانوا سبع اخوات وفى كل مرة ربنايقولة لا يا صموئيل مش هو دة وفى الاخر صموئيل قال ليسى انت وريتنى كل اولادك السبعة ومفيش حد منهم ربنا اختارة هو انت معندكش اى ولد تانى ؟يسى قال لصموئيل : معنديش غير ابنى الصغير داود راعى الغنمصموئيل قال ليسى : نادى علية يا يسى بسرعة هو دة اللى ربنا اتخارة يكون ملكشفت ازاى يا زقلط ان ربنا عارف دواد واختارة رغم انة ولد صغيروعرفت ازاى ربنا عارف كل واحد باسمة يا زقلط
زقلط : معاك حق يا سفروت ربنا عارفنا باسمنا حتى داود الولد الصغير اللى كان بيعزف على الارغن والمزمار وبيرعى غنم ابوة ربنا عارفة
سفروت : مش بس عارفنا باسمنا دا كمان بابا يسوع حاسس بينا وعارف مشاعرنا
زقلط : اية ... اية ... لا مش فاهم حاسس بينا وبكل مشاعرنا ازاى بقى ؟
سفروت : شوف يا سيدى لما كان بابا يسوع على الارض كان الناس بيحبوا يمشوا حوالية ويتعلموا منة وكان فى شوية اطفال نفسهم انهم يسلموا على بابا يسوع وفى يوم من الايام اتفق الاطفال انهم يروحوا لبابا يسوع ويسلموا عليةويقربوا منة ولو حتى شوية صغيرة وفعلا الاولاد راجوا لبابا يسوع اولمشافوة جريوا علية لكن واحد من التلاميذ منعهم وقالهم امشوا لكن بابا يسوععلشان عارف ان الاولاد نفسها انها تشوفة وتسلم علية قال للتلاميذ سيبواالاطفال انا حاسس بيهم وعارف انهم نفسهم يقربوا منى تعالوا فى حضنى وكمان قال لتلاميذة ان الاطفال ليهم ملكوت السموات شفت ازاى يا زقلط ربنا حاسس بينا وعارف بمشاعرنا علشان كدة احنا فرحانين علشان
يسوعنا زى السكر
زقلط : فعلا انا عرفت ان الرب يسوع عارف كل واحد باسمة وكمان عارف مشاعرنا
سفروت : مش بس كدة يا زقلط بابا يسوع بيهتم باصغر تفاصيل حياتنا وبياخذ بالة منا
زقلط : ازاى بقى ؟
سفروت : اسمع :
زمان ربنا بعت واحد اسمة يونان علشان يروح ويكلم اهل نينوى انهم يسيبوا الشر اللى كان فى المدينة لانة كان خايف على الشعب والاولاد الصغار من الهلاك لكن يونان هرب فى سفينة ومسمعش كلام ربنا وعارف اية اللى حصل يازقلط للسفينة اللى كان راكبها يونان الموج هاج والبحر علىّ وفضل كل اللىفى السفينة يرموا الاكل والشرب وشنط السفر اللى كانت معاهم لكن البحر علىذوالموج هاج كمان وكمان عملوا قرعة علشان يرموا واحد من اللى راكبينالسفينة وعارف مين يا زقلط اللى كان هيترمى فى البحر وهيغرق ويموت يونان
زقلط : احسن يستاهل علشان مسمعش كلام ربنا وهرب فى سفينة هو فى حد يقدر يهرب من ربنا يا يونان ؟
سفروت : رغم ان يونان غلطان وهرب لكن ربنا انقذة وبعت لة حوت والحوت بلعيونان وفضل يونان فى بطن الحوت 3 ايام منت غير اكل ولا شرب وفضل يصلى لربنا علشان يسامحة وبعد كدة ربنا امر الحوت انة يرمى يونان على شاطئ مدينة نينوى ولما طلع يونان من بطن الحوت بشر اهل نينوى وقالهم يا اهل نينوى ربنا خايف عليكم من الشر اللى انتم بتعملوة وربنا هيهلككم لازمتتوبوا وترجعوا عن الشر اللى انتم فيةوفعلا تاب اهل نينوى ورجعوا عن الشر اللى كانوا بيعملوة وصاموا وصلوا 3 ايام وربنا سامحهم شفت ازاى يا زقلط ان ربنا بيهتم باهل بينوى وبعت لهم يونان علشان يليهم يتوبوا وكمان اهتم بيونان فى سفرة وبعت لة الحوت كمان يا زقلط ربنا بيهتم بيا وبيك يا زقلط
زقلط : ربنا بيهتم بيا انا كمان اشكرك يارب بس انا مش عارف انت يارب بتهتم بيا ازاى ؟
سفروت : ربنا بيهتم بيك يا زقلط وبيبعتلك ملاك اسمة الملاك الحارس علشان يحرسك وانت رايح المدرسة وانت راجع من المدرسة وانت صاحى وانت نايم
زقلط : ليكم حق تبقوا فرحانين دا مسيحنا زى السكر