مسرحية : عشان بحبكم
مسرحية: عشان بحبكم
الأبطال:
المهرج :بهلول
الاستاذ فادي: ابن صاحب السيرك
الدبه:دوبه
النمر: نمور
الأسد: بهار
نميسه
المشهد الأول: يظهر بهلول وهو ينادي على الناس ليأتوا ويشاهدوا السيرك
الخلفيه : خيمة سيرك- موسيقى سريعة
بهلول: قرب قرب قرب ... السيرك الكبير هنا يا حضرات؛ تعالوا تعالوا ؛ تعال وشوف الاسد الجبار وهو بينط في النار... ولا الدبه دوبه وهي بتلعب بالكوره لهلوبه .... قرب قرب قرب تعال وشوف النمر نمور وهو بيلعب زي العصفور ... تعالي يا بنوته تعال ياحبيبي وشوفوا الحاجات اللي هاطلعها من جيبي ... قرب قرب قرب .
(يظهر فادي ابن صاحب السيرك)
فادي: ازيك يا بهلول مساء نور؛ ايه اخبار الفول؟
بهلول : باكله علطوول .. هاهاهاها مساءك نور يا استاذ فادي
فادي : ها الخيمة اتملت ولا لسه؟ أنت عارف ان انهارده اول عرض لينا في المدينه دي
بهلول : عارف يا أستاذ فادي وعارف كمان انه الاستاذ فؤاد باباك صاحب السيرك والخيمه دي دايما بيبقى قلقان في اول يوم عرض
فادي: طبعا لأن أول يوم لو العدد جه كبير ، الناس هتقول لبعض وبكده باقي الايام الناس هتييجي كتير
بهلول : عارف يا أستاذ فادي ، ده انا حتى متضايق ان استاذ فؤاد مش معانا في المرة دي .. هو فين؟
فادي: بابا عنده شغل مهم في مدينة تانيه لازم يخلصه عشان كده بعتني معاكم ، بس هي مش مشكله كلها اسبوع والسيرك يخلص ونرجع مدينتنا .... أنا داخل اطمن على باقي الحيوانات ... نادي ع الناس يابهلول ( يذهب فادي)
بهلول : حاضر يا استاذ فادي ... قرب قرب قرب ( ثم ينزل بهلول من المسرح)
المشهد الثاني: في السيرك في المساء..... فادي وهو يقدم السيرك وابطاله للجمهور
فادي : ضيوفنا الاعزاء، احنا مبسوطين ان احنا في المدينه بتاعتكم وكمان مجهزين لكم حاجات ومفاجات حلوه جدا بس محتاجين انكم تركزوا معانا قلبكم جامد؟ مركزين؟ جاهزين؟ اول فقره معانا الاسد بهار الاسد الجبار حينط في دايره النار
( يظهر الاسد ثم يقفز داخل دايره النار ... مع وجود موسيقى)
فادي: صقفواله ودلوقتي معانا الدبه دوبه ، دي في لعب الكوره لهلوبه
(تظهر الدبه وهي تلعب بالكره)
فادي : صقفوالها ودلوقتي مع ......( يدخل بهلول ثم يبدأ في عمل حركات تجعل الاولاد تضحك) شكرا شكرا يا بهلول ودلوقتي مع اخر فقره عندنا انهارده ، عمركم شفتوا نمر بينط حبل؟؟؟ عارفين ليه؟ لانكم لسه ماشفتوش نمور
(يظهر نمور وهو ينط الحبل على انغام الموسيقي)
فادي: اتمني انكم تكونوا امبسطوا معانا ، مستنينكم بكرة في نفس الميعاد ... سلااااااااااااااااااااام
(تظهر باقي الحيوانات مع بهلول وهي تودع الجمهور)
فادي: شكرا ليكم اوي يا اصحابي ، انا بجد مش عارف من غيركم كان ازاي ممكن السيرك ده ينجح ؟ انا باحبكم اوي
بهلول : واحنا كمان يا استاذ فادي ، هو في حد بياخد باله مننا زيك انت والاستاذ فؤاد
دوبه: ده انتو حتى مش مخليينا محتاجين لأي حاجه
نمور: ده صحيح
فادي: انا متشكر ليكو قوي يا جماعه ، ياللا بقى روحوا اتعشوا عشان تناموا بدري وتصحوا بدري ، عشان بكره عندنا تدريب ... اتفقنا ؟
الحيوانات: اتفقنا... تصبح على خير
فادي : وانتوا من اهله
( تخرج الحيوانات من المسرح ثم يجلس فادي يفكر)
فادي: ياااه اليوم انهارده كان حلو قوي لما اكلم بابا اطمنه... ( فادي يتحدث في الموبايل)
ألو ايوه يابابا ازيك انا كويس اشكر ربنا ، انهارده يا بابا اليوم كان حلو جدا والمكان كان مليان على اخره......اه قاعدين اسبوع بس....... وانت كمان وحشتني يا بابا ...... واخد بالي من الحيوانات كويس متقلقش ، مع السلامه يا بابا
(تظهر على المسرح البنت نميسه)
نميسه: مساء الخير يا استاذ فادي
فادي: مساء النور ياااااااا........
نميسه: نميسه ... اسمي نميسه الخبيثه
فادي: تشرفنا يا آنسه نميسه ... أي خدمه؟
نميسه: انا جايه اقولك ان السيرك بتاعكم ده هاااايل
فادي: مرسي جدا شكرا
نميسه: صدقني بجد ده هايل جدا، الخيمه دي تحفه ، والكراسي والانوار ، كل حاجه ... ده طبعا غير الحيوانات
فادي: انا احب اقولك انه السيرك ده غالي علينا جدا ، ده بابا وارثه من جدي وجدي وارثه من باباه ، بتاع العيله يعني ومنقدرش نستغنى عنه ابدا
نميسه: ياااااه.... ولا تقدروا تستغنوا عن الحيوانات
فادي: لا طبعا .. السيرك من غيرهم مالوش طعم
نميسه: طب ما انت ممكن تجيب غيرهم !!!
فادي:هو حضرتك عايزه ايه؟
نميسه : بصراحه........ أنا عايزه اشتري الحيوانات دي منك
فادي: نعم ؟؟؟ انتي بتقولي ايه؟ طبعا لا
نميسه: وليه لا؟
فادي: ماانا لسه بقولك مقدرش استغنى عنهم
نميسه: ماانا مش هاخدهم منك ببلاش .... هادفعلك فلوس كتتتتيره
فادي : لا
نميسه : 5 الاف
فادي : لا
نميسه: 10 الاف
فادي : برضه لا
نميسه: طب ايه اللي انت عايزه؟
فادي: لا يعني لا ، دي الحيوانات بتاعتي وانا باحبها من زمان ، مش هاعمل كده
نميسه: يعني انت مش موافق ... ع العموم براحتك، بس انا برضه هاخدهم
فادي: وانا مش هاسمحلك ... سلام
( يخرج فادي من المسرح وتبقى نميسه وحدها)
نميسه: ماشي يا فادي... بس انا برضه ها خد الحيوانات دي هاخدها يعني هاخدها !!!
المشهد الثالث: في الصباح ، الحيوانات تتدرب وفي نصف المشهد تظهر نميسة وهي تسمع للحيوانات
بهار : ( متذمر) اوووف بقى انا زهقت خلاص ، مش عايز اتدرب تاني
نمور: وانا كمان يا بهار زهقت أوي من كتر النط كل يوم ... هو احنا مش ورانا حاجة غير السيرك ده؟
بهلول: ايه الكلام الغريب اللي انا باسمعه منكم ده؟ وبعدين يا نمور.... لما انت مش عاجبك السيرك ، عايز تشتغل ايه؟
نمور : ومين جاب سيرة شغل ... أنا مش عايز اشتغل ... انا عايز أكل وألعب وأناااام
دوبه: نعم يا نمور ... وده اسمه كلام تاكل وتلعب وتنام؟؟؟ ومين بقى اللي هيخليك تعمل كل ده انشاء الله؟
بهار : أي حد .... بس اكيد مش فادي
دوبه: ازاي ده؟
نمور: اه أي حد غير فادي... فادي ده مش بيحبنا ، ده كل اللي يهمه السيرك بتاعه هو وباباه و بس !!
بهار : تمام .... عشان كده هو بيعاملنا كويس لكن في نفس الوقت بيشغلنا كل يوم .... أنا زهقت
بهلول : اسمع يا بهار انت ونمور الكلام ده مينفعش ... مفيش حد قلبه علينا زي الاستاذ فادي ، ولا في حد هيهتم بينا زيه ... أنا ماشي عشان مش عايز اسمع كلامكم البايخ ده
بهار : انت بتقول كده عشال انت مجربتش حد غير الاستاذ فادي، لكن لو رحت لحد غيره اكيد هتتبسط معاه
( يخرج بهلول وتبقى باقي الحيوانات)
دوبه: فكركو فعلا في حد ممكن يدلعنا ويأكلنا ويشربنا من غير ما يشغلنا؟
نمور: أكيد طبعا
دوبه: بس هو فين؟؟؟
( تظهر نميسة فجأه)
نميسة: أنا هو الحد ده
بهار: ( باستغراب) انت مين؟؟
نميسة: هاهاها .. أنا اللي هاحل لكم كــــــل مشاكلكم
دوبه: ازاي بقى؟
نميسة: مش انتوا نفسكوا في حد يخلصكوا من الشغلانه دي ويريحكوا...
نمور: اه
نميسة: أنا بقى عندي بيت كبير وبأحب الحيوانات جدا وهاخدكوا تعيشوا معايا و هتعيشوا احلى عيشه
دوبه: بجد!
نميسة: طبعا بجد
دوبه : ومشتغلش بالكوره تاني؟
نميسه: ايوووه
نمور: ولا انا افضل اطنطط زي القرود؟
نميسة: طبعا
بهار: طب ياللا بينا معاكي
نميسه : ياللا بسرعه قبل ما فادي يشوفنا
( تخرج الحيوانات مع نميسة وهي تجري)
( يراهم بهلول وينادي عليهم وهم لا يردوا – فينادي بهلول ع الاستاذ فادي)
بهلول : يا استاذ فادي يا أستاذ فادي
فادي: مالك يا بهلول ايه اللي حصل؟
بهلول : الحق يا استاذ فادي بهار ونمور ودوبه هربوا
فادي: هربوا !!! يعني ايه هربوا وازاي ده حصل؟
بهلول : معرفش انا لاقيتهم بيجروا مع بنت شعرها طويل
فادي: يبقى نميسه عملتها ... تعال معايا احنا لازم ندور عليهم
( ويخرج فادي وبهلول من المسرح)
المشهد الرابع: في بيت نميسة تظهر الحيوانات متألمه
( دوبة تمسح الحيطه وبهار جالس على الارض ونمور جالس بجانبه مربوط بحبل من رقبته)
دوبه: عاجبكم اللي احنا فيه ده؟؟
بهار : واحنا مالنا!!!
دوبه: انتوا السبب
بهار : يعني أنا كنت اعرف انها هاتعاملنا كده
نمور: ده انا مش مصدق نفسي ... انا ابئى مربوط بحبل زي كلاب الحراسه كده وهي تلعب بي
بهار: ولا انا اللي بقيت عامل زي القطة مش أسد!!!
دوبه: ولما تدخل مضايقه ومعاها العصايه وتقعد تضربنا
نمور: فينك يا استاذ فادي ياللي عمرك ما ضربتنا
دوبه: فاكر يا نمور لما رجلك اتكسرت وانت في العرض عمل ايه الاستاذ فادي؟
نمور: طبعا فاكر جري بي ع المستشفى وفضل جنبي ، ولما رجلي كانت متجبسه كان كل يوم بيطمن عليا
بهار : انا استاذ فادي وبهلول وحشوني اوي
(تدخل نميسة غضبانه)
نميسه: انتو قاعدين ترغوا وسايبين شغلكوا
دوبه: احنا تعبنا يا آنسه نميسة ومش قادرين نشتغل
بهار: وبعدين احنا مكناش متفقين على كده
نميسة: ها هاها ... وانتو كنتو فاكرين اني كنت هاسيبكم كده آكلكوا واشربكوا من غير ماتشتغلوا ؟ هاهاها
دوبه: احنا غلطانين عشان سمعنا كلامك ... فينك يا استاذ فادي؟
نميسه: وانتوا لسه متخيلين انه فادي حيسأل فيكم بعد ما هربتوا من عنده ، دي أكيد مش هيبقى عايز يكلمكم تاني!
(فادي يدخل فجأه)
فادي: لا طبعا متصدقوهاش
الحيوانات: استاذ فادي ، بهلول وحشتونا جدا
فادي: وانتو كمان
نميسة : نعم يا فادي انت عايز ايه؟
فادي: انا عايز الحيوانات بتاعتي
نميسه: هاهاها اللي كانت بتاعتك ، دول جم هنا بمزاجهم ومش هطلعهم بالساهل .
فادي: يعني ايه؟
نميسه: يعني انا عايزه اعرف بعد كل اللي عملوه فيك ووروك انهم مش بيحبوك جاي تطلعهم!
فادي: آه لأني مسامحهم ومش قادر اسيبهم دول كانوا معايا من زمان
نميسه: يا حرااااااااام ... ده انا اتاثرت خالص ، بص بقى انا مش هسيبهم يطلعوا بالساهل
بهار: يعني احنا هنفضل طول عمرنا معاكى ... لااااااااااااا
فادي: استنى يا بهار... انتي عايزه ايه بالظبط يا نميسه؟
نميسه: انا عايزه السيرك بتاعكم
فادي: نعم؟!!!
نميسه: ايوه خد الحيوانات بتاعتك واديني كل السيرك بتاعك انت وباباك
فادي: بس انتي عارفه.....
نميسه: ( تقاطعه) ايوه عارفه انه غالي عليكم جدا بس هو ده شرطي الوحيد
دوبه: طبعا الاستاذ فادي مش هيرضى بحاجه زي دي ... يعني هنفضل طول عمرنا معاكي إهئ إهئ إهئ إهي
فادي: ( يفكر لمده طويله ) : وانا موافق
الحيوانات : نعممممم !
فادي: ايوه انا موافق على كده
نميسه : يبقى خلاص اتفقنا خد حيواناتك واديني عقد السيرك
(فادي يعطيها عقد السيرك)
نميسه : شكرا سلاااااااام وابقى اتبسط بقى من الحيوانات بتاعتك
بهار: ليه عملت كده يا أستاذ فادي؟
فادي: عشان بأحبكم
نمور: بس ده كان غالي عليك انت وباباك قوي
فادي: انتو كمان غاليين عليا وأنا مقدرش اسيبكم
دوبه : حتى بعد ما هربنا منك وكنا وحشيين معاك
فادي: انا مسامحكم واتمنى انكم تكونوا عرفتوا إني مش قصدي أكون قاسي عليكم ، لكن نفسي اشوفكم احسن حيوانات سيرك في العالم كله
بهار : احنا اتعلمنا الدرس خلاص
نمور : وهنفضل معاك طول العمر
(موسيقى _ تخرج الحيوانات مع فادي من المسرح)
الأبطال:
المهرج :بهلول
الاستاذ فادي: ابن صاحب السيرك
الدبه:دوبه
النمر: نمور
الأسد: بهار
نميسه
المشهد الأول: يظهر بهلول وهو ينادي على الناس ليأتوا ويشاهدوا السيرك
الخلفيه : خيمة سيرك- موسيقى سريعة
بهلول: قرب قرب قرب ... السيرك الكبير هنا يا حضرات؛ تعالوا تعالوا ؛ تعال وشوف الاسد الجبار وهو بينط في النار... ولا الدبه دوبه وهي بتلعب بالكوره لهلوبه .... قرب قرب قرب تعال وشوف النمر نمور وهو بيلعب زي العصفور ... تعالي يا بنوته تعال ياحبيبي وشوفوا الحاجات اللي هاطلعها من جيبي ... قرب قرب قرب .
(يظهر فادي ابن صاحب السيرك)
فادي: ازيك يا بهلول مساء نور؛ ايه اخبار الفول؟
بهلول : باكله علطوول .. هاهاهاها مساءك نور يا استاذ فادي
فادي : ها الخيمة اتملت ولا لسه؟ أنت عارف ان انهارده اول عرض لينا في المدينه دي
بهلول : عارف يا أستاذ فادي وعارف كمان انه الاستاذ فؤاد باباك صاحب السيرك والخيمه دي دايما بيبقى قلقان في اول يوم عرض
فادي: طبعا لأن أول يوم لو العدد جه كبير ، الناس هتقول لبعض وبكده باقي الايام الناس هتييجي كتير
بهلول : عارف يا أستاذ فادي ، ده انا حتى متضايق ان استاذ فؤاد مش معانا في المرة دي .. هو فين؟
فادي: بابا عنده شغل مهم في مدينة تانيه لازم يخلصه عشان كده بعتني معاكم ، بس هي مش مشكله كلها اسبوع والسيرك يخلص ونرجع مدينتنا .... أنا داخل اطمن على باقي الحيوانات ... نادي ع الناس يابهلول ( يذهب فادي)
بهلول : حاضر يا استاذ فادي ... قرب قرب قرب ( ثم ينزل بهلول من المسرح)
المشهد الثاني: في السيرك في المساء..... فادي وهو يقدم السيرك وابطاله للجمهور
فادي : ضيوفنا الاعزاء، احنا مبسوطين ان احنا في المدينه بتاعتكم وكمان مجهزين لكم حاجات ومفاجات حلوه جدا بس محتاجين انكم تركزوا معانا قلبكم جامد؟ مركزين؟ جاهزين؟ اول فقره معانا الاسد بهار الاسد الجبار حينط في دايره النار
( يظهر الاسد ثم يقفز داخل دايره النار ... مع وجود موسيقى)
فادي: صقفواله ودلوقتي معانا الدبه دوبه ، دي في لعب الكوره لهلوبه
(تظهر الدبه وهي تلعب بالكره)
فادي : صقفوالها ودلوقتي مع ......( يدخل بهلول ثم يبدأ في عمل حركات تجعل الاولاد تضحك) شكرا شكرا يا بهلول ودلوقتي مع اخر فقره عندنا انهارده ، عمركم شفتوا نمر بينط حبل؟؟؟ عارفين ليه؟ لانكم لسه ماشفتوش نمور
(يظهر نمور وهو ينط الحبل على انغام الموسيقي)
فادي: اتمني انكم تكونوا امبسطوا معانا ، مستنينكم بكرة في نفس الميعاد ... سلااااااااااااااااااااام
(تظهر باقي الحيوانات مع بهلول وهي تودع الجمهور)
فادي: شكرا ليكم اوي يا اصحابي ، انا بجد مش عارف من غيركم كان ازاي ممكن السيرك ده ينجح ؟ انا باحبكم اوي
بهلول : واحنا كمان يا استاذ فادي ، هو في حد بياخد باله مننا زيك انت والاستاذ فؤاد
دوبه: ده انتو حتى مش مخليينا محتاجين لأي حاجه
نمور: ده صحيح
فادي: انا متشكر ليكو قوي يا جماعه ، ياللا بقى روحوا اتعشوا عشان تناموا بدري وتصحوا بدري ، عشان بكره عندنا تدريب ... اتفقنا ؟
الحيوانات: اتفقنا... تصبح على خير
فادي : وانتوا من اهله
( تخرج الحيوانات من المسرح ثم يجلس فادي يفكر)
فادي: ياااه اليوم انهارده كان حلو قوي لما اكلم بابا اطمنه... ( فادي يتحدث في الموبايل)
ألو ايوه يابابا ازيك انا كويس اشكر ربنا ، انهارده يا بابا اليوم كان حلو جدا والمكان كان مليان على اخره......اه قاعدين اسبوع بس....... وانت كمان وحشتني يا بابا ...... واخد بالي من الحيوانات كويس متقلقش ، مع السلامه يا بابا
(تظهر على المسرح البنت نميسه)
نميسه: مساء الخير يا استاذ فادي
فادي: مساء النور ياااااااا........
نميسه: نميسه ... اسمي نميسه الخبيثه
فادي: تشرفنا يا آنسه نميسه ... أي خدمه؟
نميسه: انا جايه اقولك ان السيرك بتاعكم ده هاااايل
فادي: مرسي جدا شكرا
نميسه: صدقني بجد ده هايل جدا، الخيمه دي تحفه ، والكراسي والانوار ، كل حاجه ... ده طبعا غير الحيوانات
فادي: انا احب اقولك انه السيرك ده غالي علينا جدا ، ده بابا وارثه من جدي وجدي وارثه من باباه ، بتاع العيله يعني ومنقدرش نستغنى عنه ابدا
نميسه: ياااااه.... ولا تقدروا تستغنوا عن الحيوانات
فادي: لا طبعا .. السيرك من غيرهم مالوش طعم
نميسه: طب ما انت ممكن تجيب غيرهم !!!
فادي:هو حضرتك عايزه ايه؟
نميسه : بصراحه........ أنا عايزه اشتري الحيوانات دي منك
فادي: نعم ؟؟؟ انتي بتقولي ايه؟ طبعا لا
نميسه: وليه لا؟
فادي: ماانا لسه بقولك مقدرش استغنى عنهم
نميسه: ماانا مش هاخدهم منك ببلاش .... هادفعلك فلوس كتتتتيره
فادي : لا
نميسه : 5 الاف
فادي : لا
نميسه: 10 الاف
فادي : برضه لا
نميسه: طب ايه اللي انت عايزه؟
فادي: لا يعني لا ، دي الحيوانات بتاعتي وانا باحبها من زمان ، مش هاعمل كده
نميسه: يعني انت مش موافق ... ع العموم براحتك، بس انا برضه هاخدهم
فادي: وانا مش هاسمحلك ... سلام
( يخرج فادي من المسرح وتبقى نميسه وحدها)
نميسه: ماشي يا فادي... بس انا برضه ها خد الحيوانات دي هاخدها يعني هاخدها !!!
المشهد الثالث: في الصباح ، الحيوانات تتدرب وفي نصف المشهد تظهر نميسة وهي تسمع للحيوانات
بهار : ( متذمر) اوووف بقى انا زهقت خلاص ، مش عايز اتدرب تاني
نمور: وانا كمان يا بهار زهقت أوي من كتر النط كل يوم ... هو احنا مش ورانا حاجة غير السيرك ده؟
بهلول: ايه الكلام الغريب اللي انا باسمعه منكم ده؟ وبعدين يا نمور.... لما انت مش عاجبك السيرك ، عايز تشتغل ايه؟
نمور : ومين جاب سيرة شغل ... أنا مش عايز اشتغل ... انا عايز أكل وألعب وأناااام
دوبه: نعم يا نمور ... وده اسمه كلام تاكل وتلعب وتنام؟؟؟ ومين بقى اللي هيخليك تعمل كل ده انشاء الله؟
بهار : أي حد .... بس اكيد مش فادي
دوبه: ازاي ده؟
نمور: اه أي حد غير فادي... فادي ده مش بيحبنا ، ده كل اللي يهمه السيرك بتاعه هو وباباه و بس !!
بهار : تمام .... عشان كده هو بيعاملنا كويس لكن في نفس الوقت بيشغلنا كل يوم .... أنا زهقت
بهلول : اسمع يا بهار انت ونمور الكلام ده مينفعش ... مفيش حد قلبه علينا زي الاستاذ فادي ، ولا في حد هيهتم بينا زيه ... أنا ماشي عشان مش عايز اسمع كلامكم البايخ ده
بهار : انت بتقول كده عشال انت مجربتش حد غير الاستاذ فادي، لكن لو رحت لحد غيره اكيد هتتبسط معاه
( يخرج بهلول وتبقى باقي الحيوانات)
دوبه: فكركو فعلا في حد ممكن يدلعنا ويأكلنا ويشربنا من غير ما يشغلنا؟
نمور: أكيد طبعا
دوبه: بس هو فين؟؟؟
( تظهر نميسة فجأه)
نميسة: أنا هو الحد ده
بهار: ( باستغراب) انت مين؟؟
نميسة: هاهاها .. أنا اللي هاحل لكم كــــــل مشاكلكم
دوبه: ازاي بقى؟
نميسة: مش انتوا نفسكوا في حد يخلصكوا من الشغلانه دي ويريحكوا...
نمور: اه
نميسة: أنا بقى عندي بيت كبير وبأحب الحيوانات جدا وهاخدكوا تعيشوا معايا و هتعيشوا احلى عيشه
دوبه: بجد!
نميسة: طبعا بجد
دوبه : ومشتغلش بالكوره تاني؟
نميسه: ايوووه
نمور: ولا انا افضل اطنطط زي القرود؟
نميسة: طبعا
بهار: طب ياللا بينا معاكي
نميسه : ياللا بسرعه قبل ما فادي يشوفنا
( تخرج الحيوانات مع نميسة وهي تجري)
( يراهم بهلول وينادي عليهم وهم لا يردوا – فينادي بهلول ع الاستاذ فادي)
بهلول : يا استاذ فادي يا أستاذ فادي
فادي: مالك يا بهلول ايه اللي حصل؟
بهلول : الحق يا استاذ فادي بهار ونمور ودوبه هربوا
فادي: هربوا !!! يعني ايه هربوا وازاي ده حصل؟
بهلول : معرفش انا لاقيتهم بيجروا مع بنت شعرها طويل
فادي: يبقى نميسه عملتها ... تعال معايا احنا لازم ندور عليهم
( ويخرج فادي وبهلول من المسرح)
المشهد الرابع: في بيت نميسة تظهر الحيوانات متألمه
( دوبة تمسح الحيطه وبهار جالس على الارض ونمور جالس بجانبه مربوط بحبل من رقبته)
دوبه: عاجبكم اللي احنا فيه ده؟؟
بهار : واحنا مالنا!!!
دوبه: انتوا السبب
بهار : يعني أنا كنت اعرف انها هاتعاملنا كده
نمور: ده انا مش مصدق نفسي ... انا ابئى مربوط بحبل زي كلاب الحراسه كده وهي تلعب بي
بهار: ولا انا اللي بقيت عامل زي القطة مش أسد!!!
دوبه: ولما تدخل مضايقه ومعاها العصايه وتقعد تضربنا
نمور: فينك يا استاذ فادي ياللي عمرك ما ضربتنا
دوبه: فاكر يا نمور لما رجلك اتكسرت وانت في العرض عمل ايه الاستاذ فادي؟
نمور: طبعا فاكر جري بي ع المستشفى وفضل جنبي ، ولما رجلي كانت متجبسه كان كل يوم بيطمن عليا
بهار : انا استاذ فادي وبهلول وحشوني اوي
(تدخل نميسة غضبانه)
نميسه: انتو قاعدين ترغوا وسايبين شغلكوا
دوبه: احنا تعبنا يا آنسه نميسة ومش قادرين نشتغل
بهار: وبعدين احنا مكناش متفقين على كده
نميسة: ها هاها ... وانتو كنتو فاكرين اني كنت هاسيبكم كده آكلكوا واشربكوا من غير ماتشتغلوا ؟ هاهاها
دوبه: احنا غلطانين عشان سمعنا كلامك ... فينك يا استاذ فادي؟
نميسه: وانتوا لسه متخيلين انه فادي حيسأل فيكم بعد ما هربتوا من عنده ، دي أكيد مش هيبقى عايز يكلمكم تاني!
(فادي يدخل فجأه)
فادي: لا طبعا متصدقوهاش
الحيوانات: استاذ فادي ، بهلول وحشتونا جدا
فادي: وانتو كمان
نميسة : نعم يا فادي انت عايز ايه؟
فادي: انا عايز الحيوانات بتاعتي
نميسه: هاهاها اللي كانت بتاعتك ، دول جم هنا بمزاجهم ومش هطلعهم بالساهل .
فادي: يعني ايه؟
نميسه: يعني انا عايزه اعرف بعد كل اللي عملوه فيك ووروك انهم مش بيحبوك جاي تطلعهم!
فادي: آه لأني مسامحهم ومش قادر اسيبهم دول كانوا معايا من زمان
نميسه: يا حرااااااااام ... ده انا اتاثرت خالص ، بص بقى انا مش هسيبهم يطلعوا بالساهل
بهار: يعني احنا هنفضل طول عمرنا معاكى ... لااااااااااااا
فادي: استنى يا بهار... انتي عايزه ايه بالظبط يا نميسه؟
نميسه: انا عايزه السيرك بتاعكم
فادي: نعم؟!!!
نميسه: ايوه خد الحيوانات بتاعتك واديني كل السيرك بتاعك انت وباباك
فادي: بس انتي عارفه.....
نميسه: ( تقاطعه) ايوه عارفه انه غالي عليكم جدا بس هو ده شرطي الوحيد
دوبه: طبعا الاستاذ فادي مش هيرضى بحاجه زي دي ... يعني هنفضل طول عمرنا معاكي إهئ إهئ إهئ إهي
فادي: ( يفكر لمده طويله ) : وانا موافق
الحيوانات : نعممممم !
فادي: ايوه انا موافق على كده
نميسه : يبقى خلاص اتفقنا خد حيواناتك واديني عقد السيرك
(فادي يعطيها عقد السيرك)
نميسه : شكرا سلاااااااام وابقى اتبسط بقى من الحيوانات بتاعتك
بهار: ليه عملت كده يا أستاذ فادي؟
فادي: عشان بأحبكم
نمور: بس ده كان غالي عليك انت وباباك قوي
فادي: انتو كمان غاليين عليا وأنا مقدرش اسيبكم
دوبه : حتى بعد ما هربنا منك وكنا وحشيين معاك
فادي: انا مسامحكم واتمنى انكم تكونوا عرفتوا إني مش قصدي أكون قاسي عليكم ، لكن نفسي اشوفكم احسن حيوانات سيرك في العالم كله
بهار : احنا اتعلمنا الدرس خلاص
نمور : وهنفضل معاك طول العمر
(موسيقى _ تخرج الحيوانات مع فادي من المسرح)