(( الفصل الأول ))
(يفتح الستار على استعراض على ترنيمه خشبه سايل منها دم)
(بعد الاستعراض يظهر الشيطان وهو لابس بدله)
الشيطان ما تخفوش انا مش بخوف زى الاول... بالعكس..انا بقيت صديق؛ وصديق
وفى كمان... وبتحبونى وبحبكم.....وأحسن حاجه فيكم انكم ما بتستنوش
انى اجيكم بالعكس بلاقيكم جاين لغايه عندى....ودا كرم منكم يا حلوين....
وعلى فكرة انا اقدر اقلكم ان انا اله هذا الزمان...انا اله الالفيه التالته.....
شيطان جميل وظريف....زمان كان شكلى مخيف....ودلوقتى وسيم
ولطيف...بقيت حبيب الانسان وفاله....عايش معاة زى ضلة....بص
وشوف حواليك...هتلاقى حاجات كتير تفرح أمراض..شذوذ..كراهيه...
حقد...قتل...اباحيه اخلاقيه وتشتت اسرى وتقدم علمى مخيف...ودا كله
بيخدم شيطانكم الظريف...وانهارده قررت ادخل بيت من بيوتكم بيحبونى
قوى وبيرحبوا بيا...وهتشفوا معايا بعمل ايه وخلى البيت كله ليا.......
وأشوف المسيح والدموع فى عنيه وهو بيشوف ولاده واغلى ما ليه
بيبعوه وينكروه بارخص تمن..هاهاهاهاها....شوفتو بقى حلاوه الزمن دا
(يخرج الشسطان)
الاول شايفين ولاد المسيح بقوا أسمه ومجرمين
التانى شايفين القسوه ناطقه من عنيهم...شايفيناللطم،والبصق،ويا الجلد،صوت
الجلد يدوى زى الريح،وانا قلبى على ربى جريح
التالت شايفين ولاده على الصليب طرحوه ..وبالمسمار غرسوه، غرسوه من
فوق الجلد بقلوب قاسيه مليها الحقد والمسماربيعدى بيقطع فى اللحم
والشريان واللحم بيصرخ وبيقول اة والعضم كمان بيقولها
الأول أيام زمان صلبوا المسيح وعذبوه واحنا كمان لسه برده بنعذبه
التانى تلميذه خانه وسلمه طمعان فى ماله طب وأحنا ليه بنخونه ليه حاولوا
تجابوا على السؤال ده
التالت بطرس من ضعفه انكره واحنا بشرورنا بننكره
الاول المجرمين عرو وجلدوا والشوك فى جبينه غرسوا وانا وانتوا بنعمل ايه
نفس اللى زمان عملوه
التانى دول دقوا المسامير فى ايديه والحربه طعنوها فى جنبه
التالت علشان دمه يغسل قلبى وقلبك لو بتحبه خليك جنبه
الكل معا لو بتحبه خليك جنبه
الاول والدم بحور وعيون مليانه دموع ودموع بتجرى على الخد انهار يا يسوع
وانا قلبى يا ربى عليك موجوع
التانى والدم نازل من الصبح والرضى غايب والحب والبسمه ماتت والقلب ناح
ومن العطش الريق نشف والحلق جف والشمس غرقت فى بحر الظلمه
اسفه على ناس بتنسى ناس عنيده ظلمه
التالت والعذاب قاسى صريح والظلمه عميقه سوادها عنيف اشباح اشجار
حفيفها مخيف ولا فيها حياه ولا فيها حتى الديك بيصيح وحداد طبيعه
عجيب رهيب والكون مفروش عليه احزان ولا شمس حتى راضيه تبان
الاول الخاين قبض التمن اه يا زمن العبد بيبيع سيده وبارخص تمن
التانى يا نفس خاين يا صاحب غدار يا بحر ظلمه ملهوش قرار اه يا ليل ملهوش
نهار
التالت يا كل يهوذا عايش جوانا يا كل غدر يا كل خاينه انزعها يارب قدس
افكارنا ونوايانا
الاول يا كل واحد خان اخوه فى الانسانيه دا انت خنت اللى افتداك
التانى يا كل واحد باع مسيحه والمعموديه...دا انت بعت اللى اشتراك
التالت يا كل واحد فينا اوعى تبيع مسيحك او تخون الهك
الاول المسيح بيتظلم وبيتهان الظلم بيحاكم حق اتزلزلى يا ارض يا حجاب انشق
الكل معا على كل شهيد قال للباطل لا ( 2 )
( تبداء الاحداث بديكور شقه بسيطه وموجود شاب بملابس بسيطه يقراء
فى كتاب وهو فى حاله نفسيه صعبه )
مدحت ياه خلاص خلاص انا زهقت زهقت
( يدخل ماجد )
ماجد ايه يا مدحت مالك انت أتجننت بتكلم نفسك ، في إيه؟
مدحت خلاص انا قرفت وزهقت من كل حاجه.
ماجد فــــــــــــــــــــــى أيــــــــــــــــــــــــــــه ؟
مدحت ما أنت عارف كل أفكاري وأبحاثي بتضييع في الهوا.
ماجد يا أبنى أنت لسه فاكر نفسك عالم يا أبنى أنسى
مدحت أنا بعمل أبحاث خطيرة جدا يستحيل أي عقل بشرى يفهمها بس الظروف
مش مسعدانى.
ماجد طيب خلاص يا سيدي أنا أسف
مدحت لكن قولي يا ماجد... أنت عملت إيه امبارح
ماجد في إيه بالظبط !!
مدحت في الشغلانه الجديدة أنت مش كنت أتقدمت للبنك عشان تشتغل محاسب
ماجد أنت عبيط.
مدحت إيه في إيه مش أنت بردو أول دفعتك تقدير جيد جدا أربع سنين
ماجد ولــــــــــــــــــــو .
مدحت ليــــــــــــــــــــــــــــــه !!
ماجد يا أبنى طول ما فيه كوسة وواسطة أحنا مش ها ننفع أبدا
( يدخل جورج )
جورج اهوا الكوسة والوسطه دي هي اللي هتودينا في داهية
مدحت قصدك إيه يا جورج ؟؟
جورج لا قصدي ولا غيره اهو كلام في الهوا سيبونى في اللي أنا فيه كفاية الفقر
اللي أنا عايش فيه
مدحت يا سيدي على قد لحافك مد رجليك... أنت ما بتشبعش ابدآ
جورج مش لمل يكون في لحاف أساسا.. أنا كرهت الفقر كرهته نفسي أعيش
فلوس منصب نفسي أبقى حاجه
مدحت يا ابني خلاص حفظنا كلامك ما فيش غير الموضوع ده تحكى فيه
جورج ما هو غصب عنى أنا خاطب النهارده ليه أربع سنين مش عارف أجيب
أوضه أعيش فيها وأتجوز ومشحطط معايا منى الغلبانه كفاية خلى الجرح
ملموم
مدحت يا أبنى أحنا حاسين بيك ربنا يساعدك
جورج ربنا ربنا ربنا كل اللي بيحصل في حيتنا سببه ربنا إيه الحلو في حياتنا
عشان نقول ربنا
(يرن الجرس فيذهب مدحت ليفتح الباب فيدخل اشرف ابن عمهم)
ماجد دخلنا في المنطقة المحذور ..بلاش الكلام الكبير ده يا عم جورج..أهلا
اشرف ابن عمى هلت ليالي الأنس والفرفشه
جورج اهو جه أبو دم تقيل عملي فيها راهب
اشرف ازيكم عملين إيه؟ أنا كنت معدي من جنب البيت قولت اسلم وبالمرة أكلمكم
في موضوع
ماجد لسوء حظنا .... قصدي لحسن حظنا
اشرف على فكره بكره الصبح ورآكم حاجه.
مدحت ليــــــــــه في حاجه ؟؟
أشرف ايوه الجمعة الجايه عاملين يوم روحي في الكنيسة.
ماجد يا روحي روحي .
اشرف أنا بتكلم بجد .
جورج وإيه بقى المناسبة
اشرف عاملين يوم روحي عن حب ربنا ورعيته لينا رغم زيادة الشرور والاباحيه
وخصوصا أن أحنا في الالفيه التالته
مدحت أديك أنت اللي بتقول في الالفيه التالته ولسه عايزين تعملوا يوم عن
المسيح ومعجزاته يا راجل تضيعوا يوم بحاله عشان تتكلموا عن المسيح!
اشرف نضيع يوم نتكلم عن المسيح!! لما نتكلم عن المسيح مايكفناش عمر بحاله
مدحت بدل ما تقعدوا معانا في بداية الالفيه التالته نتكلم عن المسيح نقعد نتكلم
عن التقدم التكنولوجي والتقدم العلمي نتكلم عن أخر أبحاث العلماء وأخر
اللي اكتشفوه وغيره هي دي الاجتماعات مش ضياع الوقت
اشرف تقدم إيه وتطور إيه اللي بتتكلم عنه المسيح اللي أنت بتقول الكلام عنه
ضياع وقت هو اللي قال على لسانه في انجيل معلمنا يوحنا"لأنكم بدوني
لا تقدرون أن تفعلوا شيئا "
ماجد بقولك إيه يا سيد اشرف ارحمنا بقى وابعد عنا بلا يوم روحي بلا يوم
عقلي دا أنا جوايا بركان وساكت
اشرف ليــــــــــه يا ماجد ؟؟
ماجد ليه..اسأل أولاد عمك يقولولك ليه أنا طموحاتي واحلامى كلها أتحطمت
أنا كنت اشطر طالب في الجامعة كان نفسي أبقى معيد لغاية لما أوصل
لأعلى الدرجات كله راح في الهوا وبقيت زى ما أنت شايف عاله وتافه
والسبب... هو المسيح.
اشرف مش ممكن يكون المسيح سبب تحطيمك لان أهدافك وطموحاتك ومستقبلك
مع المسيح
ماجد أنا ليا 24 سنه مع المسيح وما حققش أي حاجه حلوه في حياتي وغيري
بره ما يعرفش حاجه عن المسيح وبيحقق كل أحلامه صدقني أنا مستعد
ادفع اى تمن عشان احلامى وطموحاتي حتى لو كان التمن هو المسيح
اشرف المسيح!!عايز تبيع المسيح يا يهوذا تفتكر هو دا الحل مسكين تبيع
مسيحك اللي اشتراك تبيع الغالي بالرخيص مش ممكن.. مش ممكن
جورج كل شئ ممكن مش كفاية عايشين في الفقر والجوع والحرمان والاسم
ولاد المسيح
اشرف ربنا قال" لتكن سيرتكم خاليه من محبه المال كونوا مكتفيــين بما عندكم
لأنه قال لا أهملك ولا أتركك" شوفت قد إيه ربنا عظيم؟؟
جورج كفاية أرجوك...ربنا..ربنا..ربنا..إيه اللي يخليك واثق أن فيه أساسا ربنا.
اشرف جورج أنت بتقول إيه؟
جورج بقول اللي أنت سمعته .
اشرف يا آخى دا أنت لما بتشوف سفينة بسيطة جميله ماشيه على الميه بتقول
سبحان من صنعها والكون العظيم دا كله ممكن يكون صنع نفسه؟!!
جورج ليه لا ؟ إيه المشكلة في أن الكون يكون ازلى وإذا كان كلامك دا صح
والكون دا خلقه ربنا..مين يخلق ربنا..ما فيش مش كده يعنى ربنا ازلى
ليه بقى أنت بتعترف أن ربنا ازلى ومش عايز تعترف أن الكون دا ازلى
اشرف ربنا قال" الحق الحق أقول لكم قبل أن يكون إبراهيم أنا كائن" ما قالش
أنا كنت قال أنا كائن هو دا الوجود الازلى
جورج خلاص..خلاص أنا غلطان سيبنا وروح يومك الروحي دا.
( يرن جرس الباب... يدخل هاني صديق جورج )
هاني أنا مش عارف ابتدى ازاى وأقول إيه
جورج أتكلم مالك يا هاني فيه إيه ... أتكلم
هاني اصل....... اصل
جورج اصل إيه..مالك...حصل إيه ما تنطق
هاني أنا أسف يا جورج أبلغك الخبر دا بالذات
جورج في إيه يا هاني أرجوك أتكلم
هاني منى خطيبتك.
جورج مالها حصلها إيه؟؟؟
هاني هي وراجعه من بلدهم أتقلبت العربية وماتوا 5 ركاب ومنهم منى
جورج لا..لا..مش ممكن مش معقول منى!!ليه؟ليه؟مش ممكن أعيش من غيرها..
حرام....... حرام
اشرف جورج أهدا..... خلى عندك إيمان بربنا .
جورج ابعد عنى أنت وألهك. ابعدوا عنى وسيبونى في اللي أنا فيه .
مدحت ليه يعمل المسيح في أولاده كده ؟ ليه ؟
اشرف لا يا مدحت المسيح اله عظيم وحنون .
مدحت عارف دلوقتى أحنا نفسنا في إيه يا اشرف ؟
اشرف في أية ؟
الكل أننا نحط المسيح ورا القضبان!!!!!
اشرف انتوا بتقولوا إيه ؟؟
جورج ايوه..... يعنى نحاكم المسيح .
اشرف مش ممكن اللي بتقولوه دا .... انتوا أكيد مجانين .
ماجد لا مجانين ولا حاجه تعالى واحضر معانا محاكمه المسيح وتشوف بنفسك
لانى واثق انك ممكن تحاكمه .
( انتهى الفصل الأول )
(( الفصل الثاني ))
(( ديكور محكمه شيطانيه ))
الشيطان اليوم يتم محاكمه المسيح من اولاده ..وألان فنحن أمام قضيه مكتملة
الجوانب.. والادله ثابتة تماما على المتهم فهو مدان من كل طوائف البشر
فها هو المسيح الذي يحبونه شعبه ويطيعون كلامه اليوم اكتشف أتباعه
أن تعاليمه كانت وهم نعم وهم فهي تدعوا بالضعف في زمن القوه..تدعوا
بالفقر في زمن الغلاء..وبناء على هذا الوهم اولاده يريدون التحرر منه
ومن عبوديتهم له..وسنسمع سويا اتهامات الشهود حتى تحكموا بالعدل
نعم العدل أنا لا اطلب أكثر من العدل العدل ودلوقتى ننادى على الشاهد
الأول.... الشاهد الأول جورج منير
جورج أنا عايز أقول انك اله تدعوا للضعف والفقر وتعاليمك ما تنفعش في الزمن
دا زمن القوه وزمن المال انت بتقول"احبو اعدائكم" حبيت..انت بتقول
"من لطمك على خدك الأيمن حول له الأخر أيضا" نفذت انت بتقول
"من له ثوبان فليعط" أديت كانت النتيجة إيه اعدائى ضحكوا عليا
واستهزأوا بيا واللى أديته توب من عندي اتهمني بالعبط وبالغباء بالعكس
لمل وهبت توبي ملقتش اللى يسترني وأنا عريان مش هي دي تعاليمك
كلام وبس مش ممكن يتنفذ لان أحنا في غابة مجتمعنا ده غابة لازم أبقى
أسد نمر ديب عشان اقدر أعيش وألا يفترسوني لازم أبقى شرير اللي
يضربني قلم أديله أتنين اللي يكرهني اكرهه انشالله اقتله اللي يطلب منى
توب اقطعه ولا ادهوش يا أما كده... يا أما تعيش طول حياتك نكره الناس
تدوس عليك وما يعملولكش اعتبار.
أشرف غلط الحقيقة مش كده التعاليم دي موجودة تعاليم قويه ضعف المسيح قوه
"تكفيك نعمتي لان قوتي في الضعف تكمل" الشهداء والقديسين وقفوا
ضد أقوى الحكام بدون خوف واستحملو الذل والاهانه مش ضعف لا قوه
والدليل أنهم حولوا ناس كتير للمسيحية
جورج وأنا مش قديس ولا شهيد أنا إنسان عادى عايز أعيش عايز أبقى إنسان
أبقى شخصيه كبيرة وعظيمة ومرموقة ويكون معايا ملايـين وأدوس
برجلي على كل الصغيرين وأعوض الأيام السوده دي أنا باختصار مش
عايز أعيش على أوهام التعاليم
اشرف التعاليم دي مش أوهام دي التعاليم اللي أحنا عايشين بيها وهنفضل
عايشين بيهـا
جورج لا أوهام المسيح بتاعك دا إيه بالظبط قوه ما بيهمهوش البشر ولا مولى
ولازم نرضيه ولا حاكم بيكافئ ويعاقب ولا سيد بيدي السعادة والشقاء
اشرف دا المسيح أعظم اله حب..حنان..رحمه ..عدل..شفقه..مغفرة المسيح اللي
بيقول "حتى شعور رؤوسكم جميعها محصاه..فلا تخافوا". وبيقول
"لان أباكم يعلم ما تحتاجون إليه قبل أن تسألوه ".
جورج وإذا كان المسيح زى ما أنت بتقول يبقى ليه يخلق العالم والشر فيه.
اشرف الشر اللي في حياتنا سببه أحنا مش ربنا..وربنا ما بيظهرش سر قوته
عشان يمنع الشر لكن بيمارس سلطانه عشان يخرج الخير من الشر.
جورج إذا كان هو محبه وعدل وشفقه ليه أمهات بتموت وتسيب أولادها رضع؟؟
ليه شباب بيموت قدام والديهم ويحزن قلبهم عليهم ليه اجنه بتموت قبل
ما تشوف الحياة ؟
اشرف أن كان على الموت فربنا هدفه من حياتنا التنعم معاه في الملكوت الابدى
مش الحياة على الأرض ربنا محددش معاد للموت .
جورج ليه دا أعمى ودا مشلول ودا مجنون ودا اخرس ..وليه منى تموت وهى في
شبابها ؟
اشرف كلها دي تجارب بتقبلنا في حياتنا،مرض أو ضيقه أو فقر أو جوع أو موت
أقرب الناس لينا ربنا قال"كراع يرعى قطيعه بزراعه يجمع الحملان في
حضنه يحملها ويقود المرضعات"..فربنا يجرح ويعصم... يسحق ويداه
تشفيان
جورج كفاية كفاية..أنا عايز أعيش بدون اله بدون مسيح أعيش في حياه مفهاش
مسيح يتحكم في البشر ويسمح بالآم والضيق.
الشيطان إيه رأيكم ... طب نسمع الشاهد التانى..الشاهد التانى(مدحت منير)
مدحت أنا بقى عايز أقول أن المسيح مش وحش بالعكس المسيح أعظم اله ....
المسيح من حبه لأولاده أتصلب ومات وقام من الموت.
اشرف لما أنت عارف كده ..... جاى تحاكمه ليه ؟؟
مدحت لكن يا عزيزي المسيح دلوقتى مش بتاعنا دا بتاع جدي وجدك المسيح
ذكرى حلوه وجميله .. قصص وبطولات عظيمة نسمعها ونسقف ليها لكن
أحنا دلوقتى بتوع الالفيه التالته عصر الاستنساخ وزرع الأعضاء
والقضاء على الأمراض وعصر السرعة العلماء دلوقتى بيعيشوا الوقت
بجزء من الثانية والتقدم والتطور لسه جاى ممكن كمان يخلد الإنسان أو
على الأقل يتحكم في حياته وعمره ... الوقت غير الوقت والزمان غير
الزمان يعنى بكل بساطه أحنا مش محتاجين للمسيح دلوقتى ولا لمعجزاته
اشرف لا يا عظيم العلم نعمه من عند ربنا والتطور بأذن ربنا مهما تطور العلم
لازم تعرف مش ممكن تمد في عمر بنى أدم يوم واحد وبعدين دا ربنا قال
"بل اختار الله جهال العالم ليخزى الحكماء واختار الله ضعفاء العالم
ليخزى الأقوياء "لازم تعرف كل ما أتطور العلم ظهرت أمراض جديدة
ملهاش حل .
مدحت لكن أنا بقى بقولك لو سمحت الظروف والفرص المناسبة وبقيت عالم كبير
مافيش حاجه هتقف قصادى واثبت للجميع أنى مش محتاج للمسيح.
اشرف "من يفتخر فليفتخر بالرب" مدحت مكتوب "الذي يجعل العظماء لا لاشئ
ويصير قضاه الأرض كالباطل ".
مدحت ولــــــــــــــــــــو............. لا
اشرف أنا مش مصدق اللي بسمعه دي أخره حب ربنا ليك أنت عارف انك محبوب
جدا في عين المسيح عارف اللي بيحبك دا أعظم كائن في الوجود ومش
بيحبك علشان فيك حاجه تتحب لكن بيحبك عشان هي دى طبيعته اللي
مش ممكن تتغير .
الشيطان يلا بينا كمان نسمع ابنه التالت .
الشاهد التالت ( ماجد منير )
ماجد أنا بقى اتهامي ليك كبير عايز أقولك أنت فينك من شعبك ليه سايبهم وليه
ساكت على اللي إحنا فيه؟..وليه حقنا مهضوم؟ ليه مضطهدين؟ ليه دايما
مظلومين؟ وللأسف كل اللي بيحصلنا دا عشان حاملين اسمك..ليه ساكت
على اللي أحنا فيه؟والحاجة الغريبة أن غيرنا اللي بعاد عنك وما يعرفوش
حاجه عنك هما اللي ليهم سلطان وكيان في المجتمع شخصيتهم ناجحة في
المجتمع وغير كده متمتعين بكل حياتهم ومش كده وبس..لا..دول بيدوسوا
برجليهم على رقبتنا أحنا وإحنا بالنسبة ليهم نكره يقتلونا يدبحونا كأننا
عبيد ومالناش تمن وكل دا قدام عينيك وأنت ساكت ازاى؟ مش قادر
اصدق يعنى بكل بساطه أنت سلبي جدا مع شعبك .
اشرف اخرس أنت مجنون ايوه مجنون أنت لو إنسان كنت عرفت أن اللي بيحصل
لينا اليومين دول قليل قوى علينا عارف ليه؟ عشان لو بصيت حواليك
وشوفت أولاد المسيح بقيوا إيه تعرف الحقيقة المسيحية بقيت ديانة على
البطاقة ولكن للأسف الشر على القلوب والخطية ملت العالم وربنا بقى
على هامش حياتنا مالهوش ذكرى في حياتنا زمان سمعان الخراز بكلمه
واحده نقل جبل المقطم مين فينا انهارده عنده إيمان ينقل حبه خردل واحده
الأيمان بالمسيح ضعف واختفى وأصبحنا عبيد للشيطان وبعد دا كله بتتهم
المسيح بالسلبية وكمان عايز أقولك أن الناس البعيدة عن المسيح في
المناصب سعيدة ممكن يكون شكلها الخارجي كده لكن في الحقيقة جواها
محطم ومعدم لكن المتعة الحقيقية والسعادة هي المسيح .
ماجد بلاش الكلام المحفوظ دا أنا بقى أوعدك أنى لو سبت المسيح هبقى اسعد
إنسان في الدنيا ومش هحتاج للمسيح دا .
اشرف كفاية كفاية في تهم تانيه عايزين تقولوها يا أولاد المسيح قررتوا بايه يا
أولاد المسيح تصرخوا بأعلى صوتكم اصلبوه اصلبوه دمه علينا وعلى
أولادنا حكمتوا بايه يا قضاه حكمتوا بكام جلده وعلى رأسه كام أكليل شوك
ولا هتطعنوه بكام حربه ولا على إيه ما انتوا خلاص جلدتوه وطعنتوه ...
خيانة..خيانة المحبة جزاتها الجلد بوحشيه والتضحية مقابلها أكليل شوك
لكن انتوا ماسألتوش نفسكم لو اتحطيتوا في قفص الاتهام تفتكروا المسيح
هيوجه كام اتهام واتهام ليكم عملتوا نفسكم قضاه تحكموا وتحاكموا
مساكين...........
الشيطان قررت محكمتنا العليا بمنح كل من ماجد ومدحت وجورج منير بالحرية
الكاملة وخلاصهم من عبوديتهم لمن يدعى المسيح .
اشرف لا .. لا .. لا .
الشيطان ودلوقتى أنا هكون وش السعد عليكم أنا فرحت بأفكاركم الحلوة دي وقررت
أنى انفذلكم كل طلباتكم
اشرف ماتصدقهوش ..... ماتصدقهوش
ماجد اسكت أنت ، أحنا موافقين.
الشيطان أنا هديك يا ماجد شقه وكمان هشغلك في اكبر بنك وكمان هجوزك واحده
حلوه خالص ويكون معاك رصيد مليون جنيه .
ماجد يا ريت .
الشيطان أما أنت يا جورج هخليك اكبر رجل أعمال وتبقى ملياردير والفلوس عندك
ملهاش عدد وهتبقى اسعد إنسان في الدنيا .
جورج يا ريت .
الشيطان أما أنت يا مدحت هتبقى دكتور كبير عظيم الناس كلها تتكلم عنك وتبقى
دكتور المعجزات .
مدحت يا ريت .
الشيطان بس قبل دا كله ، لازم اعمل عهد معاكم .
جورج يعنى إيه ؟؟
الشيطان عهد يكون بالدم ،عهد تتغير فيه هيئتكم..لبسكم..اسمكم..ودمى يتخلط بدمكم
مدحت ودا يتعمل ازاى .
الشيطان ازاى دي ... بتاعتى أنا .
الاخوه وإحنا موافقين .
الشيطان ودلوقتى تعالوا معايا عشان تنفذوا العهد .
اشرف ماتصدقهوش دا مكار وخادع هتخسروا كل حاجه في النهاية .
ماجد اسكت أنت أحنا موافقين .
(يظلم المسرح ويسلط الضوء ع المسيح ويتجه اشرف للقفص الذي به
الصليب باكيا منهارا صارخا )
اشرف يا رب لا أدرى كيف أقص القصة قصه عمري والأمل الضايع منى بعد
عناء والعمر ربيع واحد يعقبه ألف شتاء اعذرني فالقصة حقا مأساة ولكن
ماذا أقول ؟؟ الحية تنهش في صدري والخوف يرابط في دربي سلمتك يا
رب أمل مين غيرك يسمعني مين غيرك يرشدني مين غيرك يفهمني
وخلاصك لا يمنحه نبي وفداك لا يعطيه رسول ..القصة قصه شباب جهال
أعجبهم بيض الافاعى فاحتضنوا البيض ولما فقس البيض استبشروا خيرا
شبابا جهال يتبنى أفكار حمقاء ربوا الافاعى في صدورهم يتغذوا من سم
ناقع أن لم تنجدهم يا ربى حتما سيموتون والحية تنهش فيهم أنقذهم من
لغم موقوت أنقذهم أخشى أن العمر يفوت مين غيرك يسمعني مين غيرك
يرشدني مين غيرك يفهمني وخلاصك لا يعطيه نبي وفداك لا يعطيه رسول
( تسدل الستار )
( الفصل التالت )
(يفتح الستار على عيادة الدكتور مدحت ويكون موجود فيها الدكتور مدحت والدكتور
ممدوح )
مدحت د/ ممدوح ، أنت عايز تقول إيه .
د/ممدوح عايز أقول نفس الكلام اللي بيتقال عنك .
مدحت كلام أية ؟؟
د/ممدوح أنت ازاى بتعمل العمليات الخيالية دي .
مدحت قصدك إيه ؟؟
د/ممدوح د/مدحت أنت بتعمل عمليات دقيقه جدا نسبه نجاحها صفر ومع ذلك بتنجح
وبأقل مجهود إيه القوه اللي جواك دي ؟؟
مدحت أنا الدكتور العظيم مدحت أعظم ما أنجبته البشرية في عالم الطب سجلي
موجود وبيقول للعالم كله وبيشهد أنى عالجت اكتر من 100 حاله ميئوس
من شفائها .
د/ممدوح أيـــــــــــــــه سر نجاحك ؟؟
مدحت سر نجاحي ..... ذكائي ..... عبقريتي ..... علمي .
العامل د/مدحت أخوك جورج بره وعايز يقابلك .
مدحت اخويا جورج .... قوله يدخل .
جورج ألحقني .....ألحقني يا مدحت .
مدحت في إيه يا جورج أتكلم ...مش دا تامر ابنك .
جورج ايوه الحقنى تامر بيموت قدام عيني .
مدحت ما تخافش هدى نفسك د/ممدوح خلى محسن يجيب حاجه ساقعه .
ممدوح حاضر .
جورج مش وقته يا مدحت...مدحت دا تامر ابني الوحيد اللي طلعت بيه من الدنيا
أنا ماليش غيره من غيره أموت أنا مستعد أضحى بثروتي كلها بس هو
يعيش .
مدحت مش عيب يا جورج يبقى أخوك الدكتور العظيم مدحت وتخاف على ابنك دا
لو مات فعلا أنا بقوتي هخليه يعيش ...بس أنت ماتخافش .
جورج طمنتى ...أنا ثقتي فيك كبيرة يا مدحت .
مدحت تامر حبيبي أنت هتخش معايا اوضه العمليات 10 دقايق وتبقى زى الفل.
تامر لا.....لا يا بابا عشان خاطري .
جورج ماتخافش يا تامر أنا جنبك مش هسيبك .
مدحت د/ممدوح خد تامر اوضه العمليات وأنا 10 دقايق وأجيلك .
ممدوح حاضر يا دكتور .
تامر بابا... بابا... ماتسبنيش يا بابا .
جورج تامر ...تامر .
مدحت ماتخافش خليك جدع المهم أنت ليك قد إيه ماشوفتش أخوك ماجد .
جورج ليا فتره طويلة ... بس بتابع أخباره .
مدحت إيه رأيك بقى هو جاى دلوقتى .
جورج صحيح ... طيب ليه ؟؟؟
مدحت أبدا فوجئت انهارده اتصل بيا وبيقول انه تعبان ... وعايز يجيلى ...ومعاده
دلوقتى .
جورج طيب .. فرصه حلوه انى أشوفه .. دا واحشني قوى.
العامل د / مدحت .. أخوك الأستاذ ماجد عايز يقابلك .
مدحت الحبايب كلهم اتلموا ... دى حاجه حلوه خالص ... خليه يدخل .
ماجد أزيك يا مدحت .. أيه دا ... جورج هنا ... في أيه ؟؟
جورج أبنى تامر يا ماجد في خطر .... وقلت مافيش غير مدحت .
ماجد أنا يا مدحت عايز أقولك ..... أنا تعبان .
مدحت ليه مالك فى ايه ؟؟
ماجد مدحت .. أنا بقيت مدمن .
مدحت مش معقول .
جورج أنت يا ماجد .... طيب ليه ؟؟؟
ماجد اللي حصل ... وأنا جايلك أنت يا مدحت عشان تنقذنى من الإدمان دا .
جورج وانا اللى بحسدك وبقول يا بختك واكلها والعه ... وعصام بيه ليل نهار
معاك ... وبينفذلك كل طلباتك .
ماجد عصام بيه ..... يلا .
مدحت طيب عن أذنكم ، أنا هدخل هعمل العملية لتامر ..10 دقايق ويبقى تامر
زى الفل ... يلا يا دكتور ممدوح .
جورج أتفضل يا مدحت ... وأنت بقى يا ماجد ايه مالك ؟.. مضايق ليه؟.. مش
عصام بيه دا هو اللى أداك شقه فاخره على النيل وشغلك فى اكبر بنك
اجنبى فى مصر ... وجوزك واحده زى القمر .. وحطلك خمسه مليون
جنيه فى البنك .
ماجد بتفكرنى ليه ؟.... خليني فى الغيبوبه اللى أنا فيها دى ... أنا بشرب ليل
نهار... والإدمان اللى أنا فيه دا عشان أنسى وماحسش بالدنيا .
جورج للدرجة دى يا ماجد .
ماجد يا جورج يا خويا أنا مراتى ليها خمس أيام بره البيت وما عرفش عنها
حاجه ... وماستجراش أتكلم فى حاجه ، كفاية يا جورج ما تقلبش عليا
المواجع .
(يدخل عصام بيه)
عصام أنت هنا يا زفت .
ماجد عصام بيه ، أتفضل يا باشا .
عصام أنا ألف عليك الوقت دا كله .
ماجد فى ايه يا عصام بيه يخليك تيجيلى لغاية عندي .
جورج أتفضل يا عصام بيه اشرب حاجه .
عصام ايه يا أبنى أنت ، هو انت هتصاحبنى .. انت يا زفت انت ... انا وقتى غالى
مش هضيعه مع هلفوت زيك ، باختصار المدام بتاعتك هدى هانم بنت
فاروق باشا .. قررت الانفصال عنك .. وبما أن الشقة باسمها ، فاقدامك
لغاية بكره تخلى الشقة وتطلع منها زى ما جيت ، بهدومك الوسخة
القديمة ، وعلى فكره الفلوس اللى فى البنك كانت باسمها وهى خدتهم
وحولتهم بنك تانى ... وياريت الموضوع ده يخلص بسرعة ، مش عايز
شوشرة ... انت عارف هدى هانم بنت مين ... وكمان عايز أقولك أن البنك
استغنى عن خدماتك .
ماجد مش ممكن .. مش معقول .. طيب ليه يا عصام بيه ... دا انا ماجد .. ماجد
اللى كانت كل طلباته أوامر ، انا بعت اهلى وناسي عشانكم .
عصام محدش غصبك .
ماجد والوعود .
عصام حققنهالك .
ماجد واخدتوها تانى .
عصام أظن أن دا من حقنا .
ماجد وانا أروح فين ؟؟
عصام مش قضيتنا .. انت بالنسبة لينا دلوقتى كارت محروق ... مالكش عوزه .
ماجد عصام بيه ... أرحمني ... انا محتاج فلوس .
عصام وانا مش بنك تسليف .
ماجد معاد الحقنة جه ... ادينى دلوقتى الفلوس وبعدين نتفاهم .
عصام مافيش تفاهم ... انا مش هعيد كلامي مره تانى .
جورج ماجد مالك ؟؟
ماجد جورج انا بتقطع ... جسمي ... انا عايز الحقنة .
جورج ماجد... أهدى .
ماجد عصام بيه ارحمني ... ارحمني (ويخطف المسدس من عصام)
جورج ماجد .. حاسب .
عصام انت بتعمل ايه يا مجنون .
ماجد هقتلك .. انت السبب فى كل اللى انا فيه ...(يطلق عليه الرصاص)
عصام آه..آه..آه .
جورج ماجد .... ماجد .
ماجد انا قتلته ... ايوه قتلته يا جورج .
(يدخل الدكتور مدحت مضايق)
جورج ايه يا مدحت ... حصل ايه ؟؟
(يدخل من ورائه الدكتور ممدوح ومعه تامر على يديه)
مدحت أصل... أصل انا .
جورج أصل ايه مالك أتكلم.
مدحت انا عملت العملية ..... بس تامر فى غيبوبة.
جورج غيبوبه !! مش فاهم .
ممدوح لا مش غيبوبه .. أتكلم يا دكتور، تامر مات .. مات.
جورج لا... لا...أبنى... ضنايا.. كلمني .. رد عليا .. انت مش ممكن تموت .. انت
العمر قدامك طويل .. انت يا مدحت قتلته... قتلت أبنى وحيدي يا مجرم.
مدحت مش ممكن أكون انا السبب.. مش ممكن أكون فاشل .. ابحاثى وعلمي
بيقولوا غير كده .. تجاربي بتقول استحالة.
جورج انا هقتلك .. ايوه هقتلك .. زى ما قتلت ابنى الوحيد .. دا انت قتلتني انا.
ممدوح أستاذ جورج أهدى .. انا فعلا مستغرب .. مش ممكن د/مدحت ،تحصل
معاه حاجه زى دى أكيد فى حاجه غلط .
مدحت مستحيل .. مستحيل يموت د/ممدوح دخله اوضه العمليات تانى انا مش
ممكن أكون فاشل ... لازم تامر يعيش .
ممدوح د/ممدحت .. تامر مات .. دى حقيقة ماتغلطش نفسك فيها .. مش هتقدر
تعمل حاجه .(يخرج ممدوح ، ويدخل العامل).
العامل د/ ممدحت.
مدحت فى أيـــــــــــــه تانى .
العامل ألحق يادكتور فى 3حالات عندي .. حالتهم أتدهورت تماما وبقيوا فى خطر
مدحت مش ممكن ... دى مؤامرة..ايوه مؤامرة .. مؤامرة لتدمير أعظم طبيب فى
العالم .. يعنى ايه مدحت أعظم دكتور انتهى خلاص .
أشرف هي دى الخطية ذل .. دمار .. شوفتوا بعدكم عن المسيح وصلكم لأيه.
الأخوه ودلوقتى هنعمل أيـــــــــه ؟؟
اشرف ربنا موجود .. جورج متخافش .. رب المجد يسوع جنبك .. الأيد اللى
بتمسح الدموع .. الدوا اللى بيطيب الجروح مهما يحصل مننا مهما يقسى
قلبنا .. مهما جلدنا .. مهما صلبنا .. مهما جرحنا .. هو مش هيتغير .. باب
مفتوح .. رحمه .. حنان .. شفاء .. وأنت يا ماجد مهما كنت ومهما عملت
انت ما تعرفش المسيح .. يلا يا ماجد قوم نضف اللى جواك .. أروى
عطشك من ينبوع المسيح الصافي .. بدل خوفك بالأمان بدل القسوة
بالحنان .. بدل الرعب بالسلام وأنت يا مدحت افتكر ان مهما كبرت فأنت
ابن المسيح اللى بيحبك .... دا نقشك على كفه ... حفرك فى نينى عنيه ....
رسمك على قلبه ... انت ابنه وهو أبوك اللى بيحبك (ثم يتجه بعيداويصلى)
ربى وسط ظلام الكون .. وسط حروب العالم .. وسط انعدام المبداء وموت
وموت الضمير... تظهر انت لتذيب الظلام ... تفتح قلبك للحزانى والمتعبين
قلب يحب وحضن يعطى السلام وأيد ممدودة بالأمان فأشرق بنورك فى
ظلمه ضمائرنا .. علمنا كيف نحبك .. ربى تعالى وخلصنا وانزع هذا الحجر
الثقيل .. واجعله ملك لك .. اصرخ أليك الآن تعالى وانزع عنا الأكفان
لنصير مره أخرى إنسان .
ماجد لأصير مره أخرى انســـــــان .
مدحت لأصير مره أخرى انســـــــان .
جورج تعالى وانزع عنا الأكفان لنصير مره أخرى إنسان .
الشيطان لا ..لا ..انتوا نسيتوا ولا ايه ... انتوا عبيدي وانا سيدكم وعليكم طاعتي ...
انتوا ملكى ومش هسيبكم أبدا ... مهما حصل انتوا فاهمين انتوا عارفين
ان فى عهد بيني وبينكم عهد بالدم انتوا نسيتوا ولا ايه ... وبعدين عاوز
أقولكم .. انتوا ليه يتقولوا يا رب لما كنتم مع ربنا كنتوا ايه ؟ نسيتوا ....
فقر .. جوع .. حرمان .. موت .. ربنا حلو دلوقتى لكن لا .. لا وألف لا ....
مش هسيبكم انتوا ملكى ملكى
( يدخل استعراض على ترنيمه قوم يا خاطئ بعد الاستعراض تستدل
الستارة التي فى وسط المسرح )
الأول وتهدى الريح ويعلى الكون جو لطيف .
التانى وما نسمعش غير أنفاس لهسنا ودقه قلب رهيف .
التالت بيعلن حبه لكل الناس وبصوته يبيح .
معا وغمام ينزاح واحلي صباح ليك وليا وملايكته تملى الكون تسبيح .
اشرف اتفرجتوا على الحدوتة دى حكايتكم وفى الحدوتة دى ناس تشبهكم ....بس
ياريت تكونوا عرفتوا أحنا انهارده جينا هنا ليه جينا عشان ايه يا ترى
انهارده كل واحد مننا لو كان بعيد عن المسيح انهارده هيندم على الأيام
اللى فاتت منه وهو بعيد ولا عاوز يحط مسيحه خلف القضبان ؟....
أقولكم خلوا الاجابه فى سركم .
النهاية
(يفتح الستار على استعراض على ترنيمه خشبه سايل منها دم)
(بعد الاستعراض يظهر الشيطان وهو لابس بدله)
الشيطان ما تخفوش انا مش بخوف زى الاول... بالعكس..انا بقيت صديق؛ وصديق
وفى كمان... وبتحبونى وبحبكم.....وأحسن حاجه فيكم انكم ما بتستنوش
انى اجيكم بالعكس بلاقيكم جاين لغايه عندى....ودا كرم منكم يا حلوين....
وعلى فكرة انا اقدر اقلكم ان انا اله هذا الزمان...انا اله الالفيه التالته.....
شيطان جميل وظريف....زمان كان شكلى مخيف....ودلوقتى وسيم
ولطيف...بقيت حبيب الانسان وفاله....عايش معاة زى ضلة....بص
وشوف حواليك...هتلاقى حاجات كتير تفرح أمراض..شذوذ..كراهيه...
حقد...قتل...اباحيه اخلاقيه وتشتت اسرى وتقدم علمى مخيف...ودا كله
بيخدم شيطانكم الظريف...وانهارده قررت ادخل بيت من بيوتكم بيحبونى
قوى وبيرحبوا بيا...وهتشفوا معايا بعمل ايه وخلى البيت كله ليا.......
وأشوف المسيح والدموع فى عنيه وهو بيشوف ولاده واغلى ما ليه
بيبعوه وينكروه بارخص تمن..هاهاهاهاها....شوفتو بقى حلاوه الزمن دا
(يخرج الشسطان)
الاول شايفين ولاد المسيح بقوا أسمه ومجرمين
التانى شايفين القسوه ناطقه من عنيهم...شايفيناللطم،والبصق،ويا الجلد،صوت
الجلد يدوى زى الريح،وانا قلبى على ربى جريح
التالت شايفين ولاده على الصليب طرحوه ..وبالمسمار غرسوه، غرسوه من
فوق الجلد بقلوب قاسيه مليها الحقد والمسماربيعدى بيقطع فى اللحم
والشريان واللحم بيصرخ وبيقول اة والعضم كمان بيقولها
الأول أيام زمان صلبوا المسيح وعذبوه واحنا كمان لسه برده بنعذبه
التانى تلميذه خانه وسلمه طمعان فى ماله طب وأحنا ليه بنخونه ليه حاولوا
تجابوا على السؤال ده
التالت بطرس من ضعفه انكره واحنا بشرورنا بننكره
الاول المجرمين عرو وجلدوا والشوك فى جبينه غرسوا وانا وانتوا بنعمل ايه
نفس اللى زمان عملوه
التانى دول دقوا المسامير فى ايديه والحربه طعنوها فى جنبه
التالت علشان دمه يغسل قلبى وقلبك لو بتحبه خليك جنبه
الكل معا لو بتحبه خليك جنبه
الاول والدم بحور وعيون مليانه دموع ودموع بتجرى على الخد انهار يا يسوع
وانا قلبى يا ربى عليك موجوع
التانى والدم نازل من الصبح والرضى غايب والحب والبسمه ماتت والقلب ناح
ومن العطش الريق نشف والحلق جف والشمس غرقت فى بحر الظلمه
اسفه على ناس بتنسى ناس عنيده ظلمه
التالت والعذاب قاسى صريح والظلمه عميقه سوادها عنيف اشباح اشجار
حفيفها مخيف ولا فيها حياه ولا فيها حتى الديك بيصيح وحداد طبيعه
عجيب رهيب والكون مفروش عليه احزان ولا شمس حتى راضيه تبان
الاول الخاين قبض التمن اه يا زمن العبد بيبيع سيده وبارخص تمن
التانى يا نفس خاين يا صاحب غدار يا بحر ظلمه ملهوش قرار اه يا ليل ملهوش
نهار
التالت يا كل يهوذا عايش جوانا يا كل غدر يا كل خاينه انزعها يارب قدس
افكارنا ونوايانا
الاول يا كل واحد خان اخوه فى الانسانيه دا انت خنت اللى افتداك
التانى يا كل واحد باع مسيحه والمعموديه...دا انت بعت اللى اشتراك
التالت يا كل واحد فينا اوعى تبيع مسيحك او تخون الهك
الاول المسيح بيتظلم وبيتهان الظلم بيحاكم حق اتزلزلى يا ارض يا حجاب انشق
الكل معا على كل شهيد قال للباطل لا ( 2 )
( تبداء الاحداث بديكور شقه بسيطه وموجود شاب بملابس بسيطه يقراء
فى كتاب وهو فى حاله نفسيه صعبه )
مدحت ياه خلاص خلاص انا زهقت زهقت
( يدخل ماجد )
ماجد ايه يا مدحت مالك انت أتجننت بتكلم نفسك ، في إيه؟
مدحت خلاص انا قرفت وزهقت من كل حاجه.
ماجد فــــــــــــــــــــــى أيــــــــــــــــــــــــــــه ؟
مدحت ما أنت عارف كل أفكاري وأبحاثي بتضييع في الهوا.
ماجد يا أبنى أنت لسه فاكر نفسك عالم يا أبنى أنسى
مدحت أنا بعمل أبحاث خطيرة جدا يستحيل أي عقل بشرى يفهمها بس الظروف
مش مسعدانى.
ماجد طيب خلاص يا سيدي أنا أسف
مدحت لكن قولي يا ماجد... أنت عملت إيه امبارح
ماجد في إيه بالظبط !!
مدحت في الشغلانه الجديدة أنت مش كنت أتقدمت للبنك عشان تشتغل محاسب
ماجد أنت عبيط.
مدحت إيه في إيه مش أنت بردو أول دفعتك تقدير جيد جدا أربع سنين
ماجد ولــــــــــــــــــــو .
مدحت ليــــــــــــــــــــــــــــــه !!
ماجد يا أبنى طول ما فيه كوسة وواسطة أحنا مش ها ننفع أبدا
( يدخل جورج )
جورج اهوا الكوسة والوسطه دي هي اللي هتودينا في داهية
مدحت قصدك إيه يا جورج ؟؟
جورج لا قصدي ولا غيره اهو كلام في الهوا سيبونى في اللي أنا فيه كفاية الفقر
اللي أنا عايش فيه
مدحت يا سيدي على قد لحافك مد رجليك... أنت ما بتشبعش ابدآ
جورج مش لمل يكون في لحاف أساسا.. أنا كرهت الفقر كرهته نفسي أعيش
فلوس منصب نفسي أبقى حاجه
مدحت يا ابني خلاص حفظنا كلامك ما فيش غير الموضوع ده تحكى فيه
جورج ما هو غصب عنى أنا خاطب النهارده ليه أربع سنين مش عارف أجيب
أوضه أعيش فيها وأتجوز ومشحطط معايا منى الغلبانه كفاية خلى الجرح
ملموم
مدحت يا أبنى أحنا حاسين بيك ربنا يساعدك
جورج ربنا ربنا ربنا كل اللي بيحصل في حيتنا سببه ربنا إيه الحلو في حياتنا
عشان نقول ربنا
(يرن الجرس فيذهب مدحت ليفتح الباب فيدخل اشرف ابن عمهم)
ماجد دخلنا في المنطقة المحذور ..بلاش الكلام الكبير ده يا عم جورج..أهلا
اشرف ابن عمى هلت ليالي الأنس والفرفشه
جورج اهو جه أبو دم تقيل عملي فيها راهب
اشرف ازيكم عملين إيه؟ أنا كنت معدي من جنب البيت قولت اسلم وبالمرة أكلمكم
في موضوع
ماجد لسوء حظنا .... قصدي لحسن حظنا
اشرف على فكره بكره الصبح ورآكم حاجه.
مدحت ليــــــــــه في حاجه ؟؟
أشرف ايوه الجمعة الجايه عاملين يوم روحي في الكنيسة.
ماجد يا روحي روحي .
اشرف أنا بتكلم بجد .
جورج وإيه بقى المناسبة
اشرف عاملين يوم روحي عن حب ربنا ورعيته لينا رغم زيادة الشرور والاباحيه
وخصوصا أن أحنا في الالفيه التالته
مدحت أديك أنت اللي بتقول في الالفيه التالته ولسه عايزين تعملوا يوم عن
المسيح ومعجزاته يا راجل تضيعوا يوم بحاله عشان تتكلموا عن المسيح!
اشرف نضيع يوم نتكلم عن المسيح!! لما نتكلم عن المسيح مايكفناش عمر بحاله
مدحت بدل ما تقعدوا معانا في بداية الالفيه التالته نتكلم عن المسيح نقعد نتكلم
عن التقدم التكنولوجي والتقدم العلمي نتكلم عن أخر أبحاث العلماء وأخر
اللي اكتشفوه وغيره هي دي الاجتماعات مش ضياع الوقت
اشرف تقدم إيه وتطور إيه اللي بتتكلم عنه المسيح اللي أنت بتقول الكلام عنه
ضياع وقت هو اللي قال على لسانه في انجيل معلمنا يوحنا"لأنكم بدوني
لا تقدرون أن تفعلوا شيئا "
ماجد بقولك إيه يا سيد اشرف ارحمنا بقى وابعد عنا بلا يوم روحي بلا يوم
عقلي دا أنا جوايا بركان وساكت
اشرف ليــــــــــه يا ماجد ؟؟
ماجد ليه..اسأل أولاد عمك يقولولك ليه أنا طموحاتي واحلامى كلها أتحطمت
أنا كنت اشطر طالب في الجامعة كان نفسي أبقى معيد لغاية لما أوصل
لأعلى الدرجات كله راح في الهوا وبقيت زى ما أنت شايف عاله وتافه
والسبب... هو المسيح.
اشرف مش ممكن يكون المسيح سبب تحطيمك لان أهدافك وطموحاتك ومستقبلك
مع المسيح
ماجد أنا ليا 24 سنه مع المسيح وما حققش أي حاجه حلوه في حياتي وغيري
بره ما يعرفش حاجه عن المسيح وبيحقق كل أحلامه صدقني أنا مستعد
ادفع اى تمن عشان احلامى وطموحاتي حتى لو كان التمن هو المسيح
اشرف المسيح!!عايز تبيع المسيح يا يهوذا تفتكر هو دا الحل مسكين تبيع
مسيحك اللي اشتراك تبيع الغالي بالرخيص مش ممكن.. مش ممكن
جورج كل شئ ممكن مش كفاية عايشين في الفقر والجوع والحرمان والاسم
ولاد المسيح
اشرف ربنا قال" لتكن سيرتكم خاليه من محبه المال كونوا مكتفيــين بما عندكم
لأنه قال لا أهملك ولا أتركك" شوفت قد إيه ربنا عظيم؟؟
جورج كفاية أرجوك...ربنا..ربنا..ربنا..إيه اللي يخليك واثق أن فيه أساسا ربنا.
اشرف جورج أنت بتقول إيه؟
جورج بقول اللي أنت سمعته .
اشرف يا آخى دا أنت لما بتشوف سفينة بسيطة جميله ماشيه على الميه بتقول
سبحان من صنعها والكون العظيم دا كله ممكن يكون صنع نفسه؟!!
جورج ليه لا ؟ إيه المشكلة في أن الكون يكون ازلى وإذا كان كلامك دا صح
والكون دا خلقه ربنا..مين يخلق ربنا..ما فيش مش كده يعنى ربنا ازلى
ليه بقى أنت بتعترف أن ربنا ازلى ومش عايز تعترف أن الكون دا ازلى
اشرف ربنا قال" الحق الحق أقول لكم قبل أن يكون إبراهيم أنا كائن" ما قالش
أنا كنت قال أنا كائن هو دا الوجود الازلى
جورج خلاص..خلاص أنا غلطان سيبنا وروح يومك الروحي دا.
( يرن جرس الباب... يدخل هاني صديق جورج )
هاني أنا مش عارف ابتدى ازاى وأقول إيه
جورج أتكلم مالك يا هاني فيه إيه ... أتكلم
هاني اصل....... اصل
جورج اصل إيه..مالك...حصل إيه ما تنطق
هاني أنا أسف يا جورج أبلغك الخبر دا بالذات
جورج في إيه يا هاني أرجوك أتكلم
هاني منى خطيبتك.
جورج مالها حصلها إيه؟؟؟
هاني هي وراجعه من بلدهم أتقلبت العربية وماتوا 5 ركاب ومنهم منى
جورج لا..لا..مش ممكن مش معقول منى!!ليه؟ليه؟مش ممكن أعيش من غيرها..
حرام....... حرام
اشرف جورج أهدا..... خلى عندك إيمان بربنا .
جورج ابعد عنى أنت وألهك. ابعدوا عنى وسيبونى في اللي أنا فيه .
مدحت ليه يعمل المسيح في أولاده كده ؟ ليه ؟
اشرف لا يا مدحت المسيح اله عظيم وحنون .
مدحت عارف دلوقتى أحنا نفسنا في إيه يا اشرف ؟
اشرف في أية ؟
الكل أننا نحط المسيح ورا القضبان!!!!!
اشرف انتوا بتقولوا إيه ؟؟
جورج ايوه..... يعنى نحاكم المسيح .
اشرف مش ممكن اللي بتقولوه دا .... انتوا أكيد مجانين .
ماجد لا مجانين ولا حاجه تعالى واحضر معانا محاكمه المسيح وتشوف بنفسك
لانى واثق انك ممكن تحاكمه .
( انتهى الفصل الأول )
(( الفصل الثاني ))
(( ديكور محكمه شيطانيه ))
الشيطان اليوم يتم محاكمه المسيح من اولاده ..وألان فنحن أمام قضيه مكتملة
الجوانب.. والادله ثابتة تماما على المتهم فهو مدان من كل طوائف البشر
فها هو المسيح الذي يحبونه شعبه ويطيعون كلامه اليوم اكتشف أتباعه
أن تعاليمه كانت وهم نعم وهم فهي تدعوا بالضعف في زمن القوه..تدعوا
بالفقر في زمن الغلاء..وبناء على هذا الوهم اولاده يريدون التحرر منه
ومن عبوديتهم له..وسنسمع سويا اتهامات الشهود حتى تحكموا بالعدل
نعم العدل أنا لا اطلب أكثر من العدل العدل ودلوقتى ننادى على الشاهد
الأول.... الشاهد الأول جورج منير
جورج أنا عايز أقول انك اله تدعوا للضعف والفقر وتعاليمك ما تنفعش في الزمن
دا زمن القوه وزمن المال انت بتقول"احبو اعدائكم" حبيت..انت بتقول
"من لطمك على خدك الأيمن حول له الأخر أيضا" نفذت انت بتقول
"من له ثوبان فليعط" أديت كانت النتيجة إيه اعدائى ضحكوا عليا
واستهزأوا بيا واللى أديته توب من عندي اتهمني بالعبط وبالغباء بالعكس
لمل وهبت توبي ملقتش اللى يسترني وأنا عريان مش هي دي تعاليمك
كلام وبس مش ممكن يتنفذ لان أحنا في غابة مجتمعنا ده غابة لازم أبقى
أسد نمر ديب عشان اقدر أعيش وألا يفترسوني لازم أبقى شرير اللي
يضربني قلم أديله أتنين اللي يكرهني اكرهه انشالله اقتله اللي يطلب منى
توب اقطعه ولا ادهوش يا أما كده... يا أما تعيش طول حياتك نكره الناس
تدوس عليك وما يعملولكش اعتبار.
أشرف غلط الحقيقة مش كده التعاليم دي موجودة تعاليم قويه ضعف المسيح قوه
"تكفيك نعمتي لان قوتي في الضعف تكمل" الشهداء والقديسين وقفوا
ضد أقوى الحكام بدون خوف واستحملو الذل والاهانه مش ضعف لا قوه
والدليل أنهم حولوا ناس كتير للمسيحية
جورج وأنا مش قديس ولا شهيد أنا إنسان عادى عايز أعيش عايز أبقى إنسان
أبقى شخصيه كبيرة وعظيمة ومرموقة ويكون معايا ملايـين وأدوس
برجلي على كل الصغيرين وأعوض الأيام السوده دي أنا باختصار مش
عايز أعيش على أوهام التعاليم
اشرف التعاليم دي مش أوهام دي التعاليم اللي أحنا عايشين بيها وهنفضل
عايشين بيهـا
جورج لا أوهام المسيح بتاعك دا إيه بالظبط قوه ما بيهمهوش البشر ولا مولى
ولازم نرضيه ولا حاكم بيكافئ ويعاقب ولا سيد بيدي السعادة والشقاء
اشرف دا المسيح أعظم اله حب..حنان..رحمه ..عدل..شفقه..مغفرة المسيح اللي
بيقول "حتى شعور رؤوسكم جميعها محصاه..فلا تخافوا". وبيقول
"لان أباكم يعلم ما تحتاجون إليه قبل أن تسألوه ".
جورج وإذا كان المسيح زى ما أنت بتقول يبقى ليه يخلق العالم والشر فيه.
اشرف الشر اللي في حياتنا سببه أحنا مش ربنا..وربنا ما بيظهرش سر قوته
عشان يمنع الشر لكن بيمارس سلطانه عشان يخرج الخير من الشر.
جورج إذا كان هو محبه وعدل وشفقه ليه أمهات بتموت وتسيب أولادها رضع؟؟
ليه شباب بيموت قدام والديهم ويحزن قلبهم عليهم ليه اجنه بتموت قبل
ما تشوف الحياة ؟
اشرف أن كان على الموت فربنا هدفه من حياتنا التنعم معاه في الملكوت الابدى
مش الحياة على الأرض ربنا محددش معاد للموت .
جورج ليه دا أعمى ودا مشلول ودا مجنون ودا اخرس ..وليه منى تموت وهى في
شبابها ؟
اشرف كلها دي تجارب بتقبلنا في حياتنا،مرض أو ضيقه أو فقر أو جوع أو موت
أقرب الناس لينا ربنا قال"كراع يرعى قطيعه بزراعه يجمع الحملان في
حضنه يحملها ويقود المرضعات"..فربنا يجرح ويعصم... يسحق ويداه
تشفيان
جورج كفاية كفاية..أنا عايز أعيش بدون اله بدون مسيح أعيش في حياه مفهاش
مسيح يتحكم في البشر ويسمح بالآم والضيق.
الشيطان إيه رأيكم ... طب نسمع الشاهد التانى..الشاهد التانى(مدحت منير)
مدحت أنا بقى عايز أقول أن المسيح مش وحش بالعكس المسيح أعظم اله ....
المسيح من حبه لأولاده أتصلب ومات وقام من الموت.
اشرف لما أنت عارف كده ..... جاى تحاكمه ليه ؟؟
مدحت لكن يا عزيزي المسيح دلوقتى مش بتاعنا دا بتاع جدي وجدك المسيح
ذكرى حلوه وجميله .. قصص وبطولات عظيمة نسمعها ونسقف ليها لكن
أحنا دلوقتى بتوع الالفيه التالته عصر الاستنساخ وزرع الأعضاء
والقضاء على الأمراض وعصر السرعة العلماء دلوقتى بيعيشوا الوقت
بجزء من الثانية والتقدم والتطور لسه جاى ممكن كمان يخلد الإنسان أو
على الأقل يتحكم في حياته وعمره ... الوقت غير الوقت والزمان غير
الزمان يعنى بكل بساطه أحنا مش محتاجين للمسيح دلوقتى ولا لمعجزاته
اشرف لا يا عظيم العلم نعمه من عند ربنا والتطور بأذن ربنا مهما تطور العلم
لازم تعرف مش ممكن تمد في عمر بنى أدم يوم واحد وبعدين دا ربنا قال
"بل اختار الله جهال العالم ليخزى الحكماء واختار الله ضعفاء العالم
ليخزى الأقوياء "لازم تعرف كل ما أتطور العلم ظهرت أمراض جديدة
ملهاش حل .
مدحت لكن أنا بقى بقولك لو سمحت الظروف والفرص المناسبة وبقيت عالم كبير
مافيش حاجه هتقف قصادى واثبت للجميع أنى مش محتاج للمسيح.
اشرف "من يفتخر فليفتخر بالرب" مدحت مكتوب "الذي يجعل العظماء لا لاشئ
ويصير قضاه الأرض كالباطل ".
مدحت ولــــــــــــــــــــو............. لا
اشرف أنا مش مصدق اللي بسمعه دي أخره حب ربنا ليك أنت عارف انك محبوب
جدا في عين المسيح عارف اللي بيحبك دا أعظم كائن في الوجود ومش
بيحبك علشان فيك حاجه تتحب لكن بيحبك عشان هي دى طبيعته اللي
مش ممكن تتغير .
الشيطان يلا بينا كمان نسمع ابنه التالت .
الشاهد التالت ( ماجد منير )
ماجد أنا بقى اتهامي ليك كبير عايز أقولك أنت فينك من شعبك ليه سايبهم وليه
ساكت على اللي إحنا فيه؟..وليه حقنا مهضوم؟ ليه مضطهدين؟ ليه دايما
مظلومين؟ وللأسف كل اللي بيحصلنا دا عشان حاملين اسمك..ليه ساكت
على اللي أحنا فيه؟والحاجة الغريبة أن غيرنا اللي بعاد عنك وما يعرفوش
حاجه عنك هما اللي ليهم سلطان وكيان في المجتمع شخصيتهم ناجحة في
المجتمع وغير كده متمتعين بكل حياتهم ومش كده وبس..لا..دول بيدوسوا
برجليهم على رقبتنا أحنا وإحنا بالنسبة ليهم نكره يقتلونا يدبحونا كأننا
عبيد ومالناش تمن وكل دا قدام عينيك وأنت ساكت ازاى؟ مش قادر
اصدق يعنى بكل بساطه أنت سلبي جدا مع شعبك .
اشرف اخرس أنت مجنون ايوه مجنون أنت لو إنسان كنت عرفت أن اللي بيحصل
لينا اليومين دول قليل قوى علينا عارف ليه؟ عشان لو بصيت حواليك
وشوفت أولاد المسيح بقيوا إيه تعرف الحقيقة المسيحية بقيت ديانة على
البطاقة ولكن للأسف الشر على القلوب والخطية ملت العالم وربنا بقى
على هامش حياتنا مالهوش ذكرى في حياتنا زمان سمعان الخراز بكلمه
واحده نقل جبل المقطم مين فينا انهارده عنده إيمان ينقل حبه خردل واحده
الأيمان بالمسيح ضعف واختفى وأصبحنا عبيد للشيطان وبعد دا كله بتتهم
المسيح بالسلبية وكمان عايز أقولك أن الناس البعيدة عن المسيح في
المناصب سعيدة ممكن يكون شكلها الخارجي كده لكن في الحقيقة جواها
محطم ومعدم لكن المتعة الحقيقية والسعادة هي المسيح .
ماجد بلاش الكلام المحفوظ دا أنا بقى أوعدك أنى لو سبت المسيح هبقى اسعد
إنسان في الدنيا ومش هحتاج للمسيح دا .
اشرف كفاية كفاية في تهم تانيه عايزين تقولوها يا أولاد المسيح قررتوا بايه يا
أولاد المسيح تصرخوا بأعلى صوتكم اصلبوه اصلبوه دمه علينا وعلى
أولادنا حكمتوا بايه يا قضاه حكمتوا بكام جلده وعلى رأسه كام أكليل شوك
ولا هتطعنوه بكام حربه ولا على إيه ما انتوا خلاص جلدتوه وطعنتوه ...
خيانة..خيانة المحبة جزاتها الجلد بوحشيه والتضحية مقابلها أكليل شوك
لكن انتوا ماسألتوش نفسكم لو اتحطيتوا في قفص الاتهام تفتكروا المسيح
هيوجه كام اتهام واتهام ليكم عملتوا نفسكم قضاه تحكموا وتحاكموا
مساكين...........
الشيطان قررت محكمتنا العليا بمنح كل من ماجد ومدحت وجورج منير بالحرية
الكاملة وخلاصهم من عبوديتهم لمن يدعى المسيح .
اشرف لا .. لا .. لا .
الشيطان ودلوقتى أنا هكون وش السعد عليكم أنا فرحت بأفكاركم الحلوة دي وقررت
أنى انفذلكم كل طلباتكم
اشرف ماتصدقهوش ..... ماتصدقهوش
ماجد اسكت أنت ، أحنا موافقين.
الشيطان أنا هديك يا ماجد شقه وكمان هشغلك في اكبر بنك وكمان هجوزك واحده
حلوه خالص ويكون معاك رصيد مليون جنيه .
ماجد يا ريت .
الشيطان أما أنت يا جورج هخليك اكبر رجل أعمال وتبقى ملياردير والفلوس عندك
ملهاش عدد وهتبقى اسعد إنسان في الدنيا .
جورج يا ريت .
الشيطان أما أنت يا مدحت هتبقى دكتور كبير عظيم الناس كلها تتكلم عنك وتبقى
دكتور المعجزات .
مدحت يا ريت .
الشيطان بس قبل دا كله ، لازم اعمل عهد معاكم .
جورج يعنى إيه ؟؟
الشيطان عهد يكون بالدم ،عهد تتغير فيه هيئتكم..لبسكم..اسمكم..ودمى يتخلط بدمكم
مدحت ودا يتعمل ازاى .
الشيطان ازاى دي ... بتاعتى أنا .
الاخوه وإحنا موافقين .
الشيطان ودلوقتى تعالوا معايا عشان تنفذوا العهد .
اشرف ماتصدقهوش دا مكار وخادع هتخسروا كل حاجه في النهاية .
ماجد اسكت أنت أحنا موافقين .
(يظلم المسرح ويسلط الضوء ع المسيح ويتجه اشرف للقفص الذي به
الصليب باكيا منهارا صارخا )
اشرف يا رب لا أدرى كيف أقص القصة قصه عمري والأمل الضايع منى بعد
عناء والعمر ربيع واحد يعقبه ألف شتاء اعذرني فالقصة حقا مأساة ولكن
ماذا أقول ؟؟ الحية تنهش في صدري والخوف يرابط في دربي سلمتك يا
رب أمل مين غيرك يسمعني مين غيرك يرشدني مين غيرك يفهمني
وخلاصك لا يمنحه نبي وفداك لا يعطيه رسول ..القصة قصه شباب جهال
أعجبهم بيض الافاعى فاحتضنوا البيض ولما فقس البيض استبشروا خيرا
شبابا جهال يتبنى أفكار حمقاء ربوا الافاعى في صدورهم يتغذوا من سم
ناقع أن لم تنجدهم يا ربى حتما سيموتون والحية تنهش فيهم أنقذهم من
لغم موقوت أنقذهم أخشى أن العمر يفوت مين غيرك يسمعني مين غيرك
يرشدني مين غيرك يفهمني وخلاصك لا يعطيه نبي وفداك لا يعطيه رسول
( تسدل الستار )
( الفصل التالت )
(يفتح الستار على عيادة الدكتور مدحت ويكون موجود فيها الدكتور مدحت والدكتور
ممدوح )
مدحت د/ ممدوح ، أنت عايز تقول إيه .
د/ممدوح عايز أقول نفس الكلام اللي بيتقال عنك .
مدحت كلام أية ؟؟
د/ممدوح أنت ازاى بتعمل العمليات الخيالية دي .
مدحت قصدك إيه ؟؟
د/ممدوح د/مدحت أنت بتعمل عمليات دقيقه جدا نسبه نجاحها صفر ومع ذلك بتنجح
وبأقل مجهود إيه القوه اللي جواك دي ؟؟
مدحت أنا الدكتور العظيم مدحت أعظم ما أنجبته البشرية في عالم الطب سجلي
موجود وبيقول للعالم كله وبيشهد أنى عالجت اكتر من 100 حاله ميئوس
من شفائها .
د/ممدوح أيـــــــــــــــه سر نجاحك ؟؟
مدحت سر نجاحي ..... ذكائي ..... عبقريتي ..... علمي .
العامل د/مدحت أخوك جورج بره وعايز يقابلك .
مدحت اخويا جورج .... قوله يدخل .
جورج ألحقني .....ألحقني يا مدحت .
مدحت في إيه يا جورج أتكلم ...مش دا تامر ابنك .
جورج ايوه الحقنى تامر بيموت قدام عيني .
مدحت ما تخافش هدى نفسك د/ممدوح خلى محسن يجيب حاجه ساقعه .
ممدوح حاضر .
جورج مش وقته يا مدحت...مدحت دا تامر ابني الوحيد اللي طلعت بيه من الدنيا
أنا ماليش غيره من غيره أموت أنا مستعد أضحى بثروتي كلها بس هو
يعيش .
مدحت مش عيب يا جورج يبقى أخوك الدكتور العظيم مدحت وتخاف على ابنك دا
لو مات فعلا أنا بقوتي هخليه يعيش ...بس أنت ماتخافش .
جورج طمنتى ...أنا ثقتي فيك كبيرة يا مدحت .
مدحت تامر حبيبي أنت هتخش معايا اوضه العمليات 10 دقايق وتبقى زى الفل.
تامر لا.....لا يا بابا عشان خاطري .
جورج ماتخافش يا تامر أنا جنبك مش هسيبك .
مدحت د/ممدوح خد تامر اوضه العمليات وأنا 10 دقايق وأجيلك .
ممدوح حاضر يا دكتور .
تامر بابا... بابا... ماتسبنيش يا بابا .
جورج تامر ...تامر .
مدحت ماتخافش خليك جدع المهم أنت ليك قد إيه ماشوفتش أخوك ماجد .
جورج ليا فتره طويلة ... بس بتابع أخباره .
مدحت إيه رأيك بقى هو جاى دلوقتى .
جورج صحيح ... طيب ليه ؟؟؟
مدحت أبدا فوجئت انهارده اتصل بيا وبيقول انه تعبان ... وعايز يجيلى ...ومعاده
دلوقتى .
جورج طيب .. فرصه حلوه انى أشوفه .. دا واحشني قوى.
العامل د / مدحت .. أخوك الأستاذ ماجد عايز يقابلك .
مدحت الحبايب كلهم اتلموا ... دى حاجه حلوه خالص ... خليه يدخل .
ماجد أزيك يا مدحت .. أيه دا ... جورج هنا ... في أيه ؟؟
جورج أبنى تامر يا ماجد في خطر .... وقلت مافيش غير مدحت .
ماجد أنا يا مدحت عايز أقولك ..... أنا تعبان .
مدحت ليه مالك فى ايه ؟؟
ماجد مدحت .. أنا بقيت مدمن .
مدحت مش معقول .
جورج أنت يا ماجد .... طيب ليه ؟؟؟
ماجد اللي حصل ... وأنا جايلك أنت يا مدحت عشان تنقذنى من الإدمان دا .
جورج وانا اللى بحسدك وبقول يا بختك واكلها والعه ... وعصام بيه ليل نهار
معاك ... وبينفذلك كل طلباتك .
ماجد عصام بيه ..... يلا .
مدحت طيب عن أذنكم ، أنا هدخل هعمل العملية لتامر ..10 دقايق ويبقى تامر
زى الفل ... يلا يا دكتور ممدوح .
جورج أتفضل يا مدحت ... وأنت بقى يا ماجد ايه مالك ؟.. مضايق ليه؟.. مش
عصام بيه دا هو اللى أداك شقه فاخره على النيل وشغلك فى اكبر بنك
اجنبى فى مصر ... وجوزك واحده زى القمر .. وحطلك خمسه مليون
جنيه فى البنك .
ماجد بتفكرنى ليه ؟.... خليني فى الغيبوبه اللى أنا فيها دى ... أنا بشرب ليل
نهار... والإدمان اللى أنا فيه دا عشان أنسى وماحسش بالدنيا .
جورج للدرجة دى يا ماجد .
ماجد يا جورج يا خويا أنا مراتى ليها خمس أيام بره البيت وما عرفش عنها
حاجه ... وماستجراش أتكلم فى حاجه ، كفاية يا جورج ما تقلبش عليا
المواجع .
(يدخل عصام بيه)
عصام أنت هنا يا زفت .
ماجد عصام بيه ، أتفضل يا باشا .
عصام أنا ألف عليك الوقت دا كله .
ماجد فى ايه يا عصام بيه يخليك تيجيلى لغاية عندي .
جورج أتفضل يا عصام بيه اشرب حاجه .
عصام ايه يا أبنى أنت ، هو انت هتصاحبنى .. انت يا زفت انت ... انا وقتى غالى
مش هضيعه مع هلفوت زيك ، باختصار المدام بتاعتك هدى هانم بنت
فاروق باشا .. قررت الانفصال عنك .. وبما أن الشقة باسمها ، فاقدامك
لغاية بكره تخلى الشقة وتطلع منها زى ما جيت ، بهدومك الوسخة
القديمة ، وعلى فكره الفلوس اللى فى البنك كانت باسمها وهى خدتهم
وحولتهم بنك تانى ... وياريت الموضوع ده يخلص بسرعة ، مش عايز
شوشرة ... انت عارف هدى هانم بنت مين ... وكمان عايز أقولك أن البنك
استغنى عن خدماتك .
ماجد مش ممكن .. مش معقول .. طيب ليه يا عصام بيه ... دا انا ماجد .. ماجد
اللى كانت كل طلباته أوامر ، انا بعت اهلى وناسي عشانكم .
عصام محدش غصبك .
ماجد والوعود .
عصام حققنهالك .
ماجد واخدتوها تانى .
عصام أظن أن دا من حقنا .
ماجد وانا أروح فين ؟؟
عصام مش قضيتنا .. انت بالنسبة لينا دلوقتى كارت محروق ... مالكش عوزه .
ماجد عصام بيه ... أرحمني ... انا محتاج فلوس .
عصام وانا مش بنك تسليف .
ماجد معاد الحقنة جه ... ادينى دلوقتى الفلوس وبعدين نتفاهم .
عصام مافيش تفاهم ... انا مش هعيد كلامي مره تانى .
جورج ماجد مالك ؟؟
ماجد جورج انا بتقطع ... جسمي ... انا عايز الحقنة .
جورج ماجد... أهدى .
ماجد عصام بيه ارحمني ... ارحمني (ويخطف المسدس من عصام)
جورج ماجد .. حاسب .
عصام انت بتعمل ايه يا مجنون .
ماجد هقتلك .. انت السبب فى كل اللى انا فيه ...(يطلق عليه الرصاص)
عصام آه..آه..آه .
جورج ماجد .... ماجد .
ماجد انا قتلته ... ايوه قتلته يا جورج .
(يدخل الدكتور مدحت مضايق)
جورج ايه يا مدحت ... حصل ايه ؟؟
(يدخل من ورائه الدكتور ممدوح ومعه تامر على يديه)
مدحت أصل... أصل انا .
جورج أصل ايه مالك أتكلم.
مدحت انا عملت العملية ..... بس تامر فى غيبوبة.
جورج غيبوبه !! مش فاهم .
ممدوح لا مش غيبوبه .. أتكلم يا دكتور، تامر مات .. مات.
جورج لا... لا...أبنى... ضنايا.. كلمني .. رد عليا .. انت مش ممكن تموت .. انت
العمر قدامك طويل .. انت يا مدحت قتلته... قتلت أبنى وحيدي يا مجرم.
مدحت مش ممكن أكون انا السبب.. مش ممكن أكون فاشل .. ابحاثى وعلمي
بيقولوا غير كده .. تجاربي بتقول استحالة.
جورج انا هقتلك .. ايوه هقتلك .. زى ما قتلت ابنى الوحيد .. دا انت قتلتني انا.
ممدوح أستاذ جورج أهدى .. انا فعلا مستغرب .. مش ممكن د/مدحت ،تحصل
معاه حاجه زى دى أكيد فى حاجه غلط .
مدحت مستحيل .. مستحيل يموت د/ممدوح دخله اوضه العمليات تانى انا مش
ممكن أكون فاشل ... لازم تامر يعيش .
ممدوح د/ممدحت .. تامر مات .. دى حقيقة ماتغلطش نفسك فيها .. مش هتقدر
تعمل حاجه .(يخرج ممدوح ، ويدخل العامل).
العامل د/ ممدحت.
مدحت فى أيـــــــــــــه تانى .
العامل ألحق يادكتور فى 3حالات عندي .. حالتهم أتدهورت تماما وبقيوا فى خطر
مدحت مش ممكن ... دى مؤامرة..ايوه مؤامرة .. مؤامرة لتدمير أعظم طبيب فى
العالم .. يعنى ايه مدحت أعظم دكتور انتهى خلاص .
أشرف هي دى الخطية ذل .. دمار .. شوفتوا بعدكم عن المسيح وصلكم لأيه.
الأخوه ودلوقتى هنعمل أيـــــــــه ؟؟
اشرف ربنا موجود .. جورج متخافش .. رب المجد يسوع جنبك .. الأيد اللى
بتمسح الدموع .. الدوا اللى بيطيب الجروح مهما يحصل مننا مهما يقسى
قلبنا .. مهما جلدنا .. مهما صلبنا .. مهما جرحنا .. هو مش هيتغير .. باب
مفتوح .. رحمه .. حنان .. شفاء .. وأنت يا ماجد مهما كنت ومهما عملت
انت ما تعرفش المسيح .. يلا يا ماجد قوم نضف اللى جواك .. أروى
عطشك من ينبوع المسيح الصافي .. بدل خوفك بالأمان بدل القسوة
بالحنان .. بدل الرعب بالسلام وأنت يا مدحت افتكر ان مهما كبرت فأنت
ابن المسيح اللى بيحبك .... دا نقشك على كفه ... حفرك فى نينى عنيه ....
رسمك على قلبه ... انت ابنه وهو أبوك اللى بيحبك (ثم يتجه بعيداويصلى)
ربى وسط ظلام الكون .. وسط حروب العالم .. وسط انعدام المبداء وموت
وموت الضمير... تظهر انت لتذيب الظلام ... تفتح قلبك للحزانى والمتعبين
قلب يحب وحضن يعطى السلام وأيد ممدودة بالأمان فأشرق بنورك فى
ظلمه ضمائرنا .. علمنا كيف نحبك .. ربى تعالى وخلصنا وانزع هذا الحجر
الثقيل .. واجعله ملك لك .. اصرخ أليك الآن تعالى وانزع عنا الأكفان
لنصير مره أخرى إنسان .
ماجد لأصير مره أخرى انســـــــان .
مدحت لأصير مره أخرى انســـــــان .
جورج تعالى وانزع عنا الأكفان لنصير مره أخرى إنسان .
الشيطان لا ..لا ..انتوا نسيتوا ولا ايه ... انتوا عبيدي وانا سيدكم وعليكم طاعتي ...
انتوا ملكى ومش هسيبكم أبدا ... مهما حصل انتوا فاهمين انتوا عارفين
ان فى عهد بيني وبينكم عهد بالدم انتوا نسيتوا ولا ايه ... وبعدين عاوز
أقولكم .. انتوا ليه يتقولوا يا رب لما كنتم مع ربنا كنتوا ايه ؟ نسيتوا ....
فقر .. جوع .. حرمان .. موت .. ربنا حلو دلوقتى لكن لا .. لا وألف لا ....
مش هسيبكم انتوا ملكى ملكى
( يدخل استعراض على ترنيمه قوم يا خاطئ بعد الاستعراض تستدل
الستارة التي فى وسط المسرح )
الأول وتهدى الريح ويعلى الكون جو لطيف .
التانى وما نسمعش غير أنفاس لهسنا ودقه قلب رهيف .
التالت بيعلن حبه لكل الناس وبصوته يبيح .
معا وغمام ينزاح واحلي صباح ليك وليا وملايكته تملى الكون تسبيح .
اشرف اتفرجتوا على الحدوتة دى حكايتكم وفى الحدوتة دى ناس تشبهكم ....بس
ياريت تكونوا عرفتوا أحنا انهارده جينا هنا ليه جينا عشان ايه يا ترى
انهارده كل واحد مننا لو كان بعيد عن المسيح انهارده هيندم على الأيام
اللى فاتت منه وهو بعيد ولا عاوز يحط مسيحه خلف القضبان ؟....
أقولكم خلوا الاجابه فى سركم .
النهاية
