بسم الثالوث الاقدس
*ان هذه القصه زخيره بالاحداث .وتمثل فتره من الزمن ..حدث اضطهاد للأقباط في روسيا ...عند الاحتلال الشيوعي للبلاد
واهادف تلك المسرحيه جميله جدا حيث توضح
1- الفداء والحب الالهي المعلن علي الصليب
2- وتمثل ايضا المحبه بين المحسيحين وغير المسيحين حيث الاضطهاد
3- وتشرح التوبه وكيفيتها ...والحروب التي تواجه المؤمن
4- في هذه القصه توضح المعامله للقبطي اثناء الاضطهاد
5- وتوضح من هو القبطي الحقيقي
6- ولابد من القبطي ان يحتمل كل ذلك بشكر
7- وليعلم كل شخص ماهي هي اراده الله
حقوق الطبع ليست محفوظه ...
تأليف : ايهاب روماني مفيد........." للأمانه كان هذا اسكتش بيسيط ولكن انا اخدت الفكره وجعلتها مسرحيه "
طالب حقوق القاهره
.................................................. .................................................. ...................
بسم الاب والابن والروح القدس اله واحد امين
مسرحيه :هكذا احب الله العالم
مقدمه :
في سنه 1922في روسيا استشهد 2691 كاهنا و3447راهبه والعديد من العلمانين ووجد اكثريه الاساقفه انفسهم في معسكرات الاعتقال والسجون ومن العام 1924حتي 1934دمرت الألاف الكنائس واحترقت الايقونات والكتب الدينينه واحترقت الاجراس وزوبت من اجل حاجات التصنيع ومن بين الف كنيسه لم يتبقي الا نحو مئه كنيسه فقط ولم يصدر اي كتاب ديني من عام 1922وحتي 1925ولم تفتح اي مدرسه دينيه او دير
+++++++++++++++++++++++++++++++++++++++++++++++++
تفتح الستار
منظر عام علي مكان متواضع
+ويقف رجل كبير طاعن في السن يسمي (الاب صومئيل ) وهو يصلي قائلا :
نشكرك يا رب المتحنن علي الكل نشكرك لانك جعلتنا احياء حتي الان ونسبحك ايضا علي كثره انعاماتك الكثيره نحن الخطاة اعطينا يا رب ان نبدأ بدأ حسنا باسم ربنا يسوع المسيح كل حين ؟؟؟....
+يدق الباب بشده واصوات غريبه علي الباب +
ايفان : افتح يا ابونا صومئيل ........افتح بسرعه.... افتح يا ابونا ...افتح هنموت......
الاب صموئيل: حاضر حاضر ......يلي علي الباب اديني جاي
ايفان: (يلتقط انفاسه بصعبه بالغه ....ويقول .. يا ابونا صموئيل هنموت اهرب .......
الاب صموئيل: في ايه يا ايفان ....ايه اللي حصل واهرب ليه ومن مين
ايفان: اللي حصل انو فيه ثوره في البلاد والبوشليفيين استولو علي الحكم ....وقتلو البابا تيخون من السلطات الروسيه ..... وانت عارف انهم ملحدين ومش بيأمنوا بربنا ابدا ولا بالانجيل اهرب ..... وشغالين حرق في الكنايس ونهب الممتلكات وقتل الاهالي من المسيحيين ....!!!
الاب صموئيل : ينظر بدهشه .... ولكن بسلام عجيب ويقول طيب وانت عاوزني اعمل ايه يا ايفان بالظبط
ايفان: وده سؤال يا ابونا صموئيل ؟؟ طبعا تهرب بجلدك لا ييجو يقتلوك ويقتلوني انا وانت هنا وانت عارف انو لا لينا حول ولا قوه
الاب صموئيل: وانت خايف يا ايفان يا حبيبي لتموت
ايفان: طبعا خايف يا ابونا صموئيل ....ده انت لو شفت الطريقه اللي بيضربوا بيها المسيحيين هتموت من الرعب مفيش عندهم رحمه ولا قلب ده يا ابونا حرقوا الكنايس حتي الاجراس بيسيحوها والكتب والاناجيل حرقوها وبحرقوا معاهم المسيحيين نفسك واهرب يا ابونا .....دول يا ابونا مش بيميزوا بينا وبين الكتب كله ارمي علي النار وكاننا شويه ورق
الاب صموئيل : ياااااااااااااااه ( بفرح ) ده انا مستني اللحظه دي من زمان اني اموت علي اسم المسيح وادخل السما وانا شهيد وانول الحياه الابديه زي باقي الشهداء والقديسين
ايفان: "بأسغراب" يعني ايه يا ابونا صموئيل
الاب صموئيل : يعني يا ايفان يا ابني ليا الحياه هي المسيح والموت هو ربح هاجي علي اخر يوم في عمري واهرب زي ما قال بولس الرسول بل بعد ما كرست لاخرين اصير انا نفسي مرفوضا
ايفان : بس انت كده هتموت ..... مش هتعرف تكمل رسالتك وانك تنشر رسالتك اللي هي المسيحيه في كل روسيا
الاب صموئيل: عاوزك تعرف يا ايفان يا ابني ان ربنا ليه شهود في كل زمان ومكان والكنيسه ابواب الجحيم لن تقوي عليها وربنا في كل عصر وفي كل مكان بيرفع كنيسته ودايما رايه الصليب مرفوعه ....وهروبي معناه انكار ورب المج قال"من انكرني امام الناس انكره انا ايضا امام ابي الذي في السموات" والناس مش هتعرف اني هربت علشان اكمل رسالتي وطبعا الشيطان هيلعب في افكار كل اخواتنا اللي داخلين الايمان جديد وهيقول لهم اهو الاب صموئيل اللي دايما بيعلمكم ويرشدكم اول واحد هرب يبقي لازم نثبتهم في الايمان
ايفان : طيب ازاي هتثبتهم في الايمان وانت هيتقبض عليك
الاب صموئيل: لما هيتقبض عليا واعزب واضطهد من اجل المسيح كده هيصدقو كلام الانجيل اللي قال
" في العالم سيكون لكم ضيق وكمان هيثبتوا اكتر واكتر في الايمان لما لقوني ضحيت بحياتي
أيفان: بس ......."ويقطعهم الاب صموئيل في الكلام
الاب صموئيل: بس .... بس ايه ..... مش كنا ديما نعلمهم احتمال الضيق والكرب والحزن والالم والاضطهاد والعزابات واول ما تيجي ضيقه اول ناس تهرب احنا يا ايفان
ايفان : طيب يا ابونا هنعمل ايه دلوقتي
الاب صموئيل : كالعاده هنكمل الاجتماع زي كل يوم ونرشد اخواتنا في الايمان والمحبه اكتر واكتر
ايفان : يا ابونا انت كدي بتجاذف بحياتك ومش بتخاف كده كلنا هيتقبض علينا وممكن تصل انت عقوبتك اعدام رميا بالرصاص
الاب صموئيل : الرب نوري وخلاصي ممكن اخاف .....الرب ناصر حياتي ممن اجزع عند اقتراب الاشرار مني ليأكلوا لحمي مضايقيا واعدائي عثروا وسقطوا..... ان يحاربنا جيش فلن يخاف قلبي ان قام عليا قتال ففي هذا انا مطمئن مش ده كلام داوود النبي ولا هو كلام بنعلمه للناس وعايزينها تتطبقه وخلاص واحنا اول ناس منطبقهوش
ايفان: يا ابونا مش قصدي انا قصدي انا قصدي نهرب نخاف علي حياتنا واحنا معانا عيال يا ابونا صموئيل لازم نخاف عليها ونربيها مين هيأكلهم ومين هيشربهم ومين هيراعيهم يا ابونا وانت عارف الشيوعيه انتشرت في البلد
الاب صموئيل: "يااااااه" للدرجه دي مفيش عندك ايمان خالص ان ربنا خو اللي هيدبر امورنا ده بيقول في الكتاب المقدس "لاتهتموا لحياتكم بما تاكلون وبما تشربون ولا لاجسادكم بما تلبسون اليست الحياه افضل من الطعام والجسد افضل من اللباس انظروا الي طيور السماء انها لا تزرع ولا تحصد ولا تجمع لها مخازن وابوكم السماوي يقوتها الست انتم بالحري افضل منها "
ايفان: طيب يا ابونا ...."يقاطعه الاب صموئيل "
الاب صموئيل : ولسه فيها طيب يا ايفان ...فين ايمانك يا ابني .....راح ....دا انت عايش معايا ليك سنين عمرك ...شفت فيهم ..الم ...ولا نقصان اكل ولا شرب ...مش كل مشكله كنا بنوقع فيها ...كان ربنا دايما يحلها ...بعد كل صلاه .؟...
ايفان : عندك حق يا ابونا صموئيل ...فعلا ربنا كان بيحل لنا كل مشاكلنا ...عمرنا ما عدت علينا تجربه ...وربنا سابنا ...كان كل تجربه ربنا يديها لينا ..كان دايمان ...يدينا ..معاها المخرج ..."ثم يبكي بشده :"
ويمسح دموعه بلهفه .؟..طيب يا ابونا صموئيل هنعمل ايه دلوقتي
الاب صموئيل : زي ما اتعودنا دايما نجهز الانجيل ..والمكتب والتربيزه والكراسي نضف المكان ...واعمل لقمه اغابي لاخواتك زي ما انت عارف ..حالتهم الماديه صعبه ...بسبب الظروف الاقتصاديه في البلد اليومين دول ...وكمان علشان يحسوا بمحبه ربنا ...ليهم من خلالنا احنا
ايفان : انت تأمر يا ابونا صموئيل
.................................................. .................................................. ..........
الفصل الثاني
الديكور : منظر منضده في الوسط وحولها ثلاثه كراسي والكرسي الذي في الوسط ...يخص الاب صموئيل
يظر الاب صموئيل في الوسط وهم يصلون قائلين : والاب صموئيل هو الذي يقود الصلاه :
انت يا يسوع الفادي معدن المعونه في ساعه الشده ..وينبوع الخلاص في اوان التجربه ...وكنز الثقه في شده العاصفه ...وركن الضعفاء في وقت المجاهده ...وكنف النصره في اوان المحنه ...وترث الغلبه في وقت القتال ...ومنير المظلمين ..في تراكم الضباب ..فمن هي النفس التي ... تركت مالها في محبتك ...وصارت فقيره ..ولم وتغنها من مواهبك ...ومن هي النفس التي ..لرفضت موجداتها ...وخرجت في طلبك ...نحن الان يا سيدي نريدك ان تملك علي نفوسنا في تلك اللحظه التي نقف فيها امامك خاشعين ...ان تمنحنا توبه وعطيه ...ان نكون صابرين في الجهاد ...في كل شي ...من الم واضطهاد ...من اجل اسمك القدوس ...يارب بارك في اولادك ..الواقفين امامك ..واعطيهم نصره ...علي ابليس ...بشفاعه القديسه السيده العذراء مريم والقديس مارجرجس الروماني ...والقديس الانبا انطونيوس ...وجميع قديسن روسيا الذين استشهدوا علي اسمك القدوس ...يارب بارك في كنيسه روسيا الارثوذكيسه وسائر كنائس المسكونه ... واجعلنا مستحقين ان نقول بشكر "ابانا الذي في السموات ......."
الاب صموئيل : تفضلوا يا احبائي ......"
"ويذهبون يقبلون ايدي الاب صموئيل "
جون : طيب المفروض نعمل ايه يا ابانا في الايام الصعبه دي ...
الاب صموئيل : لازم نكون مستعدين في كل ساعه ودقيقه روحيا وفكريا وجسديا ..متعدين ان نقدم كل محبه حتي للي بيقتلونا ..زي ما المسيح ما عمل علي الصليب كده قال : يا ابتاه اغفر لهم لأنهم لا يعلمون ماذا يفعلون "
جون " بس انا خايف اوي يا ابونا صموئيل " هيقطعوا جسمي ...هيضربوني بالرصاص ..وانت عارف ان الشيوعين بيحلوا كل مشاكلهم بالعنف والموت ...ودل مش بيرحموا حد ...وخصوصا ..اللي بيعاندهم
ايفان : صدقني انا قلت الكلام ده بس " ويقاطعه الاب صموئيل "
صموئيل " بس ايه يا ايفان : ما انا شرحت ليك بما فيه الكفايه ..زبرضه لسه في كلام تاني بعد اللي انا قلته
جون : طبعا انت عارف يا ابونا صموئيل ان الظلم صعب ..واحنا معملناش حاجه لكل ده ..غير اننا مسيحين ..
الاب صموئيل : بص يا جون انا هقول ليك كلمه تحطها في دماغك ...المسيح قال "وَلاَ تَخَافُوا مِنَ الَّذِينَ يَقْتُلُونَ الْجَسَدَوَلكِنَّ النَّفْسَ لاَ يَقْدِرُونَ أَنْ يَقْتُلُوهَا، بَلْ خَافُوا بِالْحَرِيِّمِنَ الَّذِي يَقْدِرُ أَنْ يُهْلِكَ النَّفْسَ وَالْجَسَدَ كِلَيْهِمَا فِيجَهَنَّمَ»
وكمان قال اللي هيصبر للنهايه ربنا هيمسح كله دمعه من عينيه " زي ما قال سفر الرؤيا "هوذا مسكن الله مع الناس، وهو سيسكن معهم وهم يكونون له شعباً والله نفسه يكون معهم إلهاً لهم"وسيمسح كل دمعه من اعينهم
والموت لا يكون فيما بعد ولا يكون حزن ولا صراخ ولا دموع فيما بعد لا الامور الاولي قد مضت يعني عدت انتهت
جون: هوفعلا ربنا هيسكن معانا ويكون معانا وكل دمعه من عيونا
ايفان: طبعا يا جون واكتر من كدي كمان بس الواحد يبقي نقي ووديع وهادي ويعيش كما يحق بانجيل المسيح
جون: طبعا انت عارف يا ابونا صومئيل اني وحش وياما عملت خطايا وانا ملحد كنت فاكر انو مفيش حاجه اسمها ربنا وان الكون ده اتعمل صدفه وان الارض اتكونت بنظريه الانفجار العظيم والحياه الوالتكنولوجيا والنظريات الكتير ساعدتنا اننا نحس انو مفيش ربنا هل اقدر بعد كل ده اعيش كما يحق لأنجيل المسيح زي ما ايفان بيقول
الاب صموئيل: بس يا جون يا حبيبي الانسان لما بيكون عنده اراده قويه انو يقصد انو يمشي في ايد ربنا وفي طريق ربنا اكيد ربنا هيساعده وعايزك تعرف ان مفيش واحد بيتخلق قديس او خاطي كل واحد يا حبيبي بارداته عاوز يبقي قديس هيبقي قديس ...عايز يبقي شيرير هيبقي شرير الانبا انطونيوس ابو الرهبان في مصر كان وثني وبقي قديس كان ابوه وامه عابدين للأوثان والانبا بولا انو قصد يمشي في طريق ربنا قعد تسعين سنه مشافش وجه انسان
شارل: يااااه تصدق يا ابي صموئيل انو القداسه سهلا جدا وحلوه بص يا ابونا من النهارده هبقي قديس وعظيم كمان
الاب صموئيل: يضحك ..... بس يا شارل يا حبيبي عايزك تعرف ان ده مش بشطارتك ولكن ده بنعمه من عند ربنا ورب المجد بيقول
" بدوني لا تقدروا ان تفعلوا شيء "؟؟؟ فهمت يا شارل يا حبيبي يلي عايز تبقي قديس
شارل: طيب فهمني ابدأ ازاي يا ابونا انا والجماعه اللي معايا
الاب صموئيل: الواحد لما بيحط مباديء لنفسه يمشي عليها وينفذ قانون ابوه الروحي هيوصل والفضيله مش انك متعملش الغلط الفضيله انك تعمل الخير في كل حته
ايفان: وربنا هيستفاد ايه من كل ده يا ابونا صموئيل
الاب صموئيل: بص يا ايفان يا حبيبي ربنا حنين اكتر مما تتخيل وعايزنا مننحرمش من مجده خساره الزمن بيروح مننا يوم ورا يوم فنجاهد ما دام ربنا اعطي لينا وقت للجهاد
شارل: وفين الوقت ده يا ابونا ماهو احنا هنندبح بعد شويه
جون : هقولك "ويقاطعه الاب صموئيل في تلك اللحظه "
الاب صموئيل : متنساش انو اللص اليمين بكلمه واحده سرق الملكوت لما قال " اذكرني يا رب متي جئت في ملكوتك "
ايفان : طبعا ده مش بالساهل يا ابونا
الاب صموئيل : فعلا مفيش حاجه بالساهل طبعا .... كل واحد علشان ياخد شهاده ارضيه ماديه ....وقتيه بيتعب ....وبيسهر...وبيجاهد علشان ينجح اخر السنه محدش خدها بالساهل وكمان الواحد علشان يلبس هدوم نظيفه بيتعب ويغسلها ويجيب كلور ويطلع البقع اللي فيها علشان يظهر نظيف قدام الناس وزي كده حياة التوبه والجهاد الواحد لازم يبقي نقي وتنطبقي الايه اللي بتقول " وابصرتهم في ثياب بيض" السما عاوزه تعب وسهر وجهاد وعلشن منتعبش لازم نروح لربنا ونشركه في كل كبيره وصغيره في حياتنا
شارل: يا ابونا عارف انو الشيطان مش هيسكت ومش هيهدي ليه بال غير لما يشوفنا متقطعين قدامه
الاب صموئيل: الانسان اللي بيحب ربنا .... ربنا هيساعده ويسنده والواحد لما الشيطان ييجي يحاربه في اي شيء او تجربه يثابر ويرمي كل اتكاله علي رب المجد ويصلي بدموع وانسحاق وفي النهايه هينتصر بنعمة ربنا
جون: قول لينا كلمه منفعه يا ابونا .. تساعدنا في حياتنا
الاب صموئيل : اتعاملوا مع ربنا ، وحبوه من كل قلوبكم وتلامسوا معاه وشوفو ربنا هيعمل ايه معاكم
ويشرح الاب صموئيل بخلفيه موسيقيه
وفجأه
يأتي ايفان من الداخل ويصرخ ....
ايفان : يا ابونا العساكر والجنود جايين علي هنا نعمل ايه ... نعمل ايه ... دبر لينا يا ابونا
الاب صموئيل: كل يثبت في مكانه محدش يتحرك
ويجلس علي الارض ويصرخ قائلا .. يا رب يسوع المسيح يا حامل خطيه العالم اعطينا قوه ان نحتمل كل الم واضطهاد وظلم ..... من سيفصلنا عن محبة المسيح اشده ام ضيق ام اضطهاد ام جوع ام عري ام خطر ام سيف لانه مكتوب ياربي اننا من اجلك نمات كل النهار
وفي هذه اللحظه 000 يسقط شارل مغشيا عليه ويجري عليه جون وايفان ويصمد الاب صموئيل فيه مكانه مصليا
وفي تلك اللحظه ...... تخفت الاضاءه في المكان بموسيقي مرعبه وصاخبه ...... ويخبط الباب بطريقه هيستيريه ويسمعون صوت افتح .. المكان كله محاصر مفيش داعي للهرب ويصرخ ايضا جون وايفان ثم يسكتون ويبدأ الباب ... بالخبط مره اخري .... ويسكت الباب وتأتي الموسيقي الصاخبه ..... يكسر البـــــــــــاب
يدخل الجنود بزي روسي
الظابط: اهلا يا اب صموئيل ليك سنين مدوخنا وراك وانت بتنشر سمومك وافكارك بين الناس وطبعا انت مسيحي وانت عارف عقوبه المسيحيه ايه
الاب صموئيل : طبعا مسيحي واشكر ربنا علي كده وعلي عطيته اننا نكون مسيحيين وكل اللي معايا هنا مسيحيين وبيعبدوا رب المجد يسوع المسيح
الظابط: انت عارف عقوبه المسيحيه ايه
الاب صموئيل : طبعا عارف ..... الاعدام رميا بالرصاص
وفي تلك اللحظه يسقط ايفان هو ايضا مغشيا عليه من الخوف
الظابط : طيب ما انت عارف اهو اومال ايه اللي انت عامله في نفسك ده
الاب صموئيل: وحضرتك يا حضرة الظابط انا عامل ايه في نفسي
الظابط: مربي دقنك وجلبيتك قذره ووسخه وشكلك غريب كده شكلك عامل زي العبيط
الاب صموئيل : ربنا يسامحك ....... بس احب اعرفك ان الانسان مش بملابسه ولا بشكله الانسان ...... بقلبه النقي ومحبته للناس
الظابط: بلاش كلام فاضي ملوش لزمه .... وبدل ما تتعب معانا .... انكر ايمانك وخليك في بيتك مرتاح .... لا اعتقال ولا سجن .... ولا بهدله ... ولا وجع قلب ....
الاب صموئيل : انكر ايماني ياااااه ..... بسهوله كده تعرف يا حضرة الظابط انا ليا ثمانين سنه في راحه البال وسعيد ومع ربنا مرتاح جدا وحاسس اني ليا قيمه وحاسس اني حر لا اشتهي شيء من العالم لاني حاسس اني شبعان وانت عارف النفس الشبعانه تدوس العسل
الظابط : " يصفق بيده " برافو لا بصراحه اقنعتني وكلامك دخل دماغي " ويصرخ .... بلاش هبل .... انا مستغرب عليكم ازاي ترضو تموتوا علي اله اتصلب ... ومات .... وادفن .... زي زي اي مجرم .... زيه زي اي لص .....زيه زي اي قاطع طريق .......
الاب صموئيل : هكذا احب الله العالم حتي بذل ابنه الوحيد حتي لا يهلك كل من يؤمن بواسطته بل تكون له حياه ابديه يا حضرة الظابط انت بعد ما قلت انو اتصلب .... ومات .... ودفن ..... مقولتش انو قام من الاموات .... لأنك انت مش عايز تقول كده اللي جاي علشانه نفذه وباقصي سرعه ..... وانا جاهز
الظابط : يعني مش خايف .....؟؟؟
الاب صموئيل: اخاف من ايه انا مش بخاف من اي حد في الكون ..... لا انت .... ولا الجنود بتوعك..... ولا حتي الرئيس بتاعك ..... ولاحتي كل جيوش العالم .... هيهزوا شعره من رأسي
الظابط : واضح انك قليل ادب "ويضربه علي وجهه "
الاب صموئيل : ربنا يسامحك يا ابني بس عيب تضرب حد اد ابوك انا معملتش حاجه علشان تضربني
الظابط: متزعلش مني يا ابي وانا اعتذرلك " وفجأه " يضربه مره اخري علي وجهه
الاب صموئيل : يصمت ويردد صلاه في سره
الظابط : يا جنود .... اديهم التحيه الروسيه .... قبل ما يشرفوا عندنا ..... الجنود ... حاضر يا افندم .......
ثم يضربو ايفان وشارل وجون بقسوه وهم يصرخون بخلفيه موسيقيه
ثم يميل الظابط علي الاب صموئيل : هشرف علي تعذيبك ..... بنفسي .... وها احطك في زنزانه ... مع المجرمين والقاتلين ..... هوريك الظلم والعذاب الوان ... ما دام انت مش خايف .......
ثم يضحك بشـــــــــــــــــــده
الفصل الثالث "والاخير "
الديكور : منظر سجن لوحه مرسوم عليها شباك ..2 قله ..2 بطانيه ..2 مساجين لابسين لبس ازرق ..
منظر اتنين مساجين ..نايمين
يدخل الظابط ويقول : اصحي انت وهو يا روح امك اصحي ...تفتيش اصحي انت وهو ..علشان فيه ضيف عندكم جااي جديد
مارك : ضيف ايه يا حضره الظابط هي الزنزانه مكفينا احنا علشان تجيب حد جديد
الظابط : اخرص ..ونفذ التعليمات ..من غير كلام ..
كارلوس : طول عمرنا بنفذ التعليمات ايه اللي حصل يعني ..اهو زي ما احنا لا اتقدمنا ولا اتأخرنا
الظابط : اخرص انت ..وهو بلاش كتر كلام ..ولماضه
كارلوس ومارك : حاضر يا فندم " بغضب "
ويقم الظابط بالتفتيش بطريقه غبيه ورجعيه
يخرج الظابط
مارك : يا تره من هو الضيف الجديد ده ...بصراحه انا خايف ..لا يكون جاسوس علينا ..ويعرف احنا بنتكلم في ايه ..ويكون مجند من الحكومه الروسيه ..
كارلوس : " يضربه " انت فاكر نفسك وطني يا روح امك ..بطل هبل وعبط ..ايه اللي بتقوله ده
مارك : امال عايزني اقولك ايه ..بس ..ممكن يكون مجرم جديد ..او قتال قتله ..اكيد ..صح
كارلوس : ماهو هو ده الطبيعي يا ابو مخ غبي ..انه يكون مجرم ..هيدخل السجن ليه ..علشان يصيف
مارك : تصدق عندك حق ..طيب هنعمل ايه دلوقتي
كارلوس : تصدق ما عارف ..بس احنا ممكن ..نطفشه من الزنزانه ,ونخليه يطلب ..نقله ..لزنزانه تانيه
كارلوس : بصيت
مارك : حسب رزالته ..لو كان رزل هنطلع عينه ..لو كان طيب نسيبه
" ويقمون بعمل علامه متفقين عليها "
وفجاءه يدخل الظابط :
الظابط : انتباه ..يا مسجون منك ..ليه ..الضيف الجديد ..اهو ..عايزكم تظبطوه ...."ثم ينظر الي الاب صموئيل ..لما اشوفك ياللي مش خايف ..ويرميه للداخل بشده ...ويقطع علي الارض
..............ثم يخرج ....ويدخل مره اخري ..خد الحاجات دي هتعوزها ..علي فكره يا اخ صموئيل ..ده مش علشانك ..جايب الحاجات دي ..دي بس علشان حقوق الحيوان ..زقصدي حقوق الانسان " ويضحك " ثم يخرج
مارك : حقوق الانسان ..وهي فين حقوق الانسان ..ده الحيوان بيتعامل احسن مننا ..هنا
ماركوس : تصدق عندك حق ..امتي بس نخلص من القرف ده يا ناس
مارك : هنخلص لما نخلص ...سيبك ياعم خلينا نشوف البلوة دي
ماركوس : يالا ..نشوف ..
مارك : يذهب " متجها الي الاب صموئيل " .قائلا : ازيك يا اخ عامل ايه ...؟ .."
وفي تلك اللحظه "يصمت الاب صموئيل "
ماركوس : ايه يا عمنا مالك ..ماترد علينا ..ايه الكبرياء اللي انت فيه ده ..ياعم رد .."ويريمه ارضا "
مارك : مش كده يا ماركو ..مهما كان ده راجل كبير برضه ...وممكن يكون اطرش ومش بيسمع
ماركوس : ما انا عارف انه راجل كبير ..بس بلاش الكبرياء اللي هو فيه ده ..+
.
مارك : تعال هنا مش للدرجه دي ..ده شكله غلبان انا عندي فكره ..سيبك منه ..احنا مالنا ..هو في حاله واحنا في حالنا
ماركوس : ياعم اسكت ..دااحنا ياما هنشوف ..بسبب الراجل ده
مارك : تعال بس سيبك ..ندردش مع بعض شويه "انا عندي ملل تعال
ماركوس : يالا تعال ...بس اعمل حسابك "وهو ينظر الي الاب صموئيل ..مش هسيبك ابدا ..
وفي تلك اللحظه يخرج الاب صموئيل الانجيل من معطفه ..ويقرأ فيه
" وينظر اليه مارك وماركوس بأستغراب شديد ثم يجلسون "
مارك : الا ما قلتليش يا ماركوس ..انت دخلت السجن ليه ..
ماركوس : وده يهمك في حاجه يامارك
مارك : مش اصدي ..بس احنا لينا شهرين مع بعض ..منعرفش غير اسامي وارقام بعض
ماركوس : انا حكايتي صعبه وغريبه ..بلاش تفكرني يامارك ..
مارك : اتكلم ..يمكن اقدر اخفف عنك ..وفضفض يمكن الاقي الحل عندي
ماركوس : " يضحك ضحكه يأسه " تخفف ما علينا انا هحكي
" بص يا مارك ..انا ملحد ؟.اتولدت لقيت نفسي كده لا اعرف حاجه اسمها ..ديانه ولا حا جه اسمها كتب مقدسه ...
..وكنت دايما استهزء ببتوع الدين دول ..ودايما بيضيعوا عمرهم علي الفاضي ..بس الحاجه اللي اتعلمتها من الالحاد ..وهي الاخلاق بس والانسانيه عموما
مارك : ماهو واضح برضه ..والدليل اللي عملته مع الراجل الطيب ده ..منتهي الانسانيه والاخلاق ..
ماركوس : بس رغم كل ده ..من جوه مش مرتاح ,,قعدت طول عمري ادور علي شغل ..احاول اني احصل علي الشهادات ..اخدتها من كل دول العالم من امريكا ، فرنسا ، ايطاليا ..وكل الدول اللي تتخيله ..اللي بتهتم بالعلم ...ورغم كده ..مش لاقي اكل ولا لاقي اكل ..دورت علي شغل في كل مكان ..وفي الاخر ..اشتغلت ..بعد اليأس ده كله ..في بار ..يوم ورا يوم ..اجمع فلوس ..واكنز ..وبقي عندي فلوس كتير ..وفجأه ظهرت بنت جميله جدا في حياتي ..حبيتها جدا ..اديتها كياني ,,وعقلي وروحي ,... بقيت افكر فيها ..اكتر من اي شيء في الوجود ..وفي يوم من الايام ..لقيت مع حد تاني ..وماسك ايدها ..وبيضحك معاها ..روحت شديتها من ايده ..راح ضاربني ووقعني علي الارض ..وهي بتبص وتضحك ..وبسرعه ومن غير ما احس جبت ازازه خمره ..وروحت فاتح بيها دماغه ..وجريت عليها هي وقتلتها كمان ..محستش بنفسي وانا اعمل كده ..وفجأه لقيت ..واحد من زمايلي في البار بيمسكني ويضربني فوق راسي ..صحيت لقيت نفسي قدامك هنا ..شفت بقي الالم ..الي انا فيه
مارك : طيب ما خلاص : انت اخدت حقك زعلان ليه
ماركوس : يا مارك افهم ..انا بحبها بجد ..ولسه بحبها ..وهفضل احبها ..لاخر يوم في عمري
مارك : يا ماركوس : دي ماتت ..فاهم يعني ايه ماتت يعني ملهاش وجود
ماركوس : دي بالنسبالك انت ..دي موجوده هنا ..ومعانا ..في الزنزانه ..
مارك : بتقول ايه يا ماركوس ...معانا هنا في الزنزانه
ماركوس : انا حاسس بيها ,,موجوده في كل مكان ..
مارك : بلاش تعمل في نفسك كده وسيبك..ثم يصمت الاثنان ..ويتكلم مارك
مارك : انما انت مسألتش ايه حكايتي
ماركوس : اكيد منيله بستين نيله زي حكايتي
مارك : طبعا : انا هحكيلك
ماركوس : ارغي انا سامعك
مارك : انا مسيحي ...متستغربش اني مسيحي ..وعايزك تعرف ..اني الايه الوحيده ..اللي اعرفها من الانجيل ..قليل من الخمر يصلح المعده .؟
وانا مدخلتش السجن هنا علشان انا مسيحي ..علشان انا حرامي
ماركوس : انعم واكرم
مارك : طبعا انا حرامي ..في يوم من الايام وانا رايح اسرق بيت من البيوت اللي دايما اسرقها لقيت كل حاجه جاهزة ..لقيت الباب مفتوح وكل حاجه في البيت مفتوحه ..انا بيني وبينك فرحت اوي ..وقلت يا تساهيلك يارب .,.وقلت ايه الحظ الابيض ده ..انا محظوظ ..وبعد ما جهزت كل حاجه وانا نازل من العماره ...لقيت البوكس مستنيني تحت ...قلت ...ايه الحظ الاسود ده ...وزي ما انت شايف ...لقيني هنا جنبك
ماركوس : طيب ليه تسرق ومين جرك لكده ..
مارك : اصحاب ياعم ..كل يوم يجوا يقولوالي هتبقي غني ..هتعرف تتحكم في الناس ..وهتكبر ويبقي ليكي قيمه ..وبصراحه اقنعوني ...واديك زي ما انت شايف ..اصغر ظابط فيكي يا روسيا اهو بيتحكم فيا ...وبقيت ليا قيمه ...كبيره ...حرامي ...وبقولها بفخر ..
ماركوس : جبتك يا عبد المعين تعيني لقيتك يا عبد المعين تتعان ...المصريين دول عليهم امثال يا جدع ....." ويضحك بغباء "
وفجأه يدخل الظابط
الظابط: انتباه يا مجرم انت وهو من النهارده تعليمات عليا من اداره السجون الروسيه القرارات
قرار رقم 1: تم الغاء وجبه العشاء من اليوم
قرار رقم 2: تؤخذ البطانيه الخاصه بالنزيل رقم 513 في تلك اللحظه ينظر مارك علي نفسه فيجد انه رقم 513 ويصرخ
القرار رقم 3: النوم مبكرا من الساعه الثامنه مساءا
القرار رقم 4: تقلل وجبه الغذاء من اليوم بدل من رغيفين رغيف واحد فقط وقطعه جبن
انتــــــــــــــــــــــهي
الظابط: ده امر السلطات يا مجرم
ماركوس: سلطات ايه بس ده انت السبب في كل ده حرام ليك يا ظالم
الظابط: اخرص خالص يا مجرم ثم يضربه " بالقلم "
ماركوس: ظااااااالم
الظابط: هتسكت ولا ارميك حبس انفرادي
ماركوس : ده ضد اللوائح والقوانين مش هتقدر تعمل حاجه
الظابط: يعني كده هوريك انا اللي مش ضد اللوائح والقوانين ...... ثم يخرج ..... ويعود في ثواني معدوده ........ ظبطوه "للجنود"
ثم يبدأون بالضرب المبرح وهو علي الارض يتألم
وفي هذه اللحظه ....... يهجم ماركوس علي الاب صموئيل قائلا: كل بسببك يا وش المصايب انت السبب ويحاول .... يضرب .... الاب صموئيل
والاب صموئيل ايضا صامت .... ويأتي جندي من الخارج..... يأخذ بطانيه مارك ويشده مارك ......والجندي يشد .... وتقوم معركه طريفه ... بين الجندي ومارك ..... ويصرخ يا ظالمين .... يا يهود .. قلبكم قاسي ازاي هنام في البرد ده ......
ثم تخفت الاضاءه وموسيقي هادئه ثم ينام مارك ويفضل ماركوس نائما وعينان مفتوحتان
ويقوم الاب صموئيل في تلك اللحظه ويضع اكله بجانب ماركوس ويغطي مارك بالبطانيه الخاصه به ...... ثم يجلس يصلي قائلا......
الصلاه
الهي الحي الصالح اله كل نعمه وعطيه صالحه نأتي اليوم واثقين ان كل ما نطلبه بأسمك نناله نشكرك لانك اعطيتنا هذه الامتيازات في شخص ابنك الحبيب الهي الحنين كن معا اخواتنا اللذين في الضيق والحزن نسألك ان تلمسهم بنعمتك الفياضه وحنانك المغطي للكل اسألك يا رب ان تسلك تلك النفوس بسجون الخطايا اذكر يا رب ابنك مارك وابنك ماركوس كن معهم يا رب انا يا رب مسامح في حقي وبحبهم كمان من كل قلبي
يا ابانا الذي في السموات ..........
وفي تلك اللحظه تتغير الاضاءه ويقوم ماركوس من النوم ويلف حول الاب صموئيل قائلا:
الاب صموئيل: يصمت ثم يرجع الي مكانه ولا يتحدث الي ماركوس ولا بكلمه واحده
ماركوس: ايه الراجل الغريب ده ..... ثم يصمت مره اخري ....
يدخل الظابط بكره الاحكام انتو التلاته خلاص هنرتاح من شكلكم العكر اديني نبهت كل يجهز حالو ومالو والحكم بالارقام انتو طبعا عارفين النظام الروسي ..... كل واحد ..... بياخد رقم ..... وصاحب الرقم ..... بيتحاكم بعد كده ..... بعد ما نتأكد من الرقم ونجمع المعلومات .......فاهميين علشان الوقت ......
ثم يخرج
ماركوس : يعني ايه الكلام ده
مارك: يعني بكره هيتحدد مصيرنا يا معلم
ماركوس: خايف انا هموت انا حاسس اني هتعدم
مارك: وانا كمان........ حاسس اني هطلع براءه
ماركوس : رعب ...... انا خايف هموت ......الحقوني هموت ويقع ارضا
ويذهب الاب صموئيل في تلك اللحظه
ثم يصلي قائلا :
يا من كنت تشفي كل ثقم في الشعب وكل مرض وكل خوف اشفي يا رب عبدك ماركوس ثم ينهض ماركوس وهو متحير ويقع تحت رجلي ابونا صموئيل
الاب صموئيل: وده يهمك في ايه
ماركوس: يهمني في ايه ... مش لازم اعرف انت مين ..... اللي من يوم ما دخلت فيه السجن .... وانا شغال اشتري في عدواتك .... من شتيمه لضرب .... لبهدله ..... وانت مش بتقدم غير كل محبه وسلام مفيش انسان عادي .... يقدر يعمل كده الا اذا كان .... فيه قوه عجيبه وجباره
الاب صموئيل: انا اسمي " صموئيل السكندر" كاهن روسي ... عبدا ليسوع المسيح ملك الملوك ورب الارباب والسيد المسيح هو سبب القوه اللي فيا .......
ماركوس: يســــــــــوع المسيح .... انا سمعت بالاسم ده كتير قبل كده ....... ما تكونش انت مسيحي ...... ايوا انا افتكرت المسيحيين هما اللي بيعبدوا المسيح ......اه ده مارك قال لي انو مسيحي بس ما اخدتش بالي ... اصل مش باين عليه
الاب صموئيل: كـــــــــــويس انك عرفت اني مسيحي انا فعلا مسيحي وبعبد .... المسيح المصلوب القائم من بين الاموات .....
ماركوس: طيب وانت ايه اللي جابك هنا وانت هادي ووديع وطيب انما احنا مجرمين وحراميا ووحشين .....
الاب صموئيل: ربنا انا عارف انو جابني هنا لهدف معين ...... وانا عارفه .......
ماركوس: طيب ازااي بتقول انو المسيح ربنا ..... ده اتصلب زيه زي اي مجرم زي اي لص .... بيسرق..... بيقتل....ازاي وهو الاله .... اللي بتقول عليه خالق الكون ليه قاعد لوحدك دايما مش بتتكلم مش بتعترض .... علي اي قرار علي اي حاجه ودايما بتقرأ في الكتاب اللي معاك ده
الاب صموئيل: انا هجاوبك سؤال سؤال بس هجاوبك علي الاسئله الاخيره اللي مش هتاخد معانا وقت .........اول حاجه ..... هقولك انا ساكت ليه .... علشان السكوت ده فضيله من الفضايل محدش بيقتنيها بسهوله ابدا... وسليمان الحكيم قال كثره الكلام لاتخلو من معصيه ...اما بالنسبه لعدم اعتراضي ......دايما عارف ان الرب يدافع عنكم وانت صامتون ........ وبالنسبه للكتاب المقدس اللي بقرأ فيه ....هو اللي علمني الفضايل دي كلها .... لان ده كلام ربنا ليا اما بالنسبه ليه ....ربنا اتصلب ومات ودفن ....... زيه زي اي مجرم
ماركوس: ياريت تقولي عاوز افهم الحته دي من زمان ومش لاقي حد يفهمالي
الاب صموئيل: تبدأ قصه رب المجد لما ادم اخطأ واكل من شجره معرفه الخير والشر بعد ما ربنا ما قاله يا ادم ..... تأكل من جميع شجر الجنه ..... واما شجره معرفه الخير والشر ...واما يوم تأكل منها موتا تموت وفعلا ادم خالف الوصيه .... واكل من شجره معرفه الخير والشر وحكم .... علي العالم وعلي الجنس البشري كله بالموت ..... لان العصيان خطيه ....ولان اجره الخطيه هي موت
ماركوس: علشان قطف تفاحه من شجره يخلي البشريه كلها تموت ويتحكم عليها بالموت
الاب صموئيل : يا ماركوس يا حبيبي اللي حصل اساسا .... مش مجرد قطف ثمره ده اكبر من كده بكتير علشان احنا عدم ... من الاثاث تراب والتراب ده من العدم ومعني التراب انو يعصي الله .....وعصيان من مين .... من تراب علي الله .......اللي خالق الكون المدبر الكون ده كله ...... والخطيه معناها انفصال عن الله ........
ماركوس : طيب ليه الدم بالذات ليه ؟؟؟؟
الاب صموئيل : علشان بدون سفك دم لا تحصل مغفره
ماركوس : وطيب ليه يسوع المسيح بالذات ليه مش نبي ولا ملاك ولا حتي رئيس ملائكه ليه المسيح بالذات اللي قام بالمهمه دي
الاب صموئيل: علشان الفادي اللي هيخلص الناس والبشريه لازم يكون فيه مواصفات وشروط معينه
ماركوس : طيب ايه الشروط دي
الاب صموئيل: لازم يكون الفادي ده غير محدود محدش غير محدود غير الله وحده
ماركوس: مش فاهـــــــــــــــــــم
الاب صموئيل : لو انت اخطأت في حق زميل ليك هتكون الخطيه محدوده علشان زميلك ده محدود ولو اخطأت في حق رئيس الجمهوريه هتكون الغلط كبير بس برضه محدود وادم ده غلط في الله الغير محدود فلازم اللي يكفر عن الخطيه الغير محدوده الله الغير المحدود
ماركوس :طيب والشرط التاني
الاب صموئيل: لازم يكون انسان
ماركوس: نعـــــــــــــــــــــــــــم وفيه انسان غير محدود
الاب صموئيل : بص يا ماركوس لازم يكون انسان ..... علشان اللي اخطأ انسان ..... واللي يكفر عن الخطيه لازم يكون انسان .....علشان مينفعش ان الحيوان .... يكفر عن الخطيه ...... لان جنس الحيوان بيختلف عن الانسان وكمان قيمه الانسان اكبر من الحيوان علشان كده ظهر الله غير المحدود في انسان وهو الابن يسوع المسيح الله ظاهر في الجسد الطاهر بلا خطيه وهو ده الشرط التالت ان يكون الانسان ده طاهر غير محدود وبلا خطيه وانسان وده ميتوفرش غير في شخص السيد المسيح
مارك: تصدق انا مسيحي بالاسم بس .... انا اول مره اسمع بالكلام ده
الاب صموئيل: هو انت صاحي يا مارك
مارك: هو حد بيجيلو نوم بعد الاخبار المنيله دي
ماركوس: طيب يا ابويا صموئيل ليه بتعمل كل الحاجت دي معايا اديتني اكلك ... واديت مارك بطانيتك .... وصليت لينا احنا الاتنين.... بالرغم اننا بهدلناك من يوم ما دخلت السجن وضربناك
الاب صموئيل: علشان السيد المسيح بيقول" احبوا اعدائكم .... باركوا لاعنيكم... احسنوا الي مبغضيكم ... وصلوا لاجل اللذين يسيئون اليكم ويطردونكم... وانا معملتش حاجه تستاهل اكتر من اللي عمله السيد المسيح علشاني ....
مارك: فعلا انا سمعت الكلام ده كتير .... بس مكنتش واخد بالي ...انا كنت لو خدت بالي مكانش ده جرالي
الاب صموئيل : علشان انت كنت عايز كده يا مارك
انت مش عايز تسمع ....
ماركوس: طيب هل ممكن ربنا يقبلني اني اكون ابن ليه
الاب صموئيل : طبعا ممكن لان المسيح قال :" لم أأتي ادعي ابرارا الي التوبه بل الخطاه وهو جه علشاني وعلشانك وعلشان كل الخطاة وتاكد ان السماء كلها فرحانه لانه قال السماء تفرح بخاطي واحد يتوب اكثر من تسعه وتسعين بارا لا يحتاجون الي توبه
ثم تدخل ترنيمه"لمست الحب الالهي"
ويحكي الاب صموئيل بخلفيه موسيقيه
وفجأه
ياتي صوت من الخارج
: انتباه يا مسجون انتباه يا مجرم منك ليه
مارك: ربنا يستر انا اساسا متشائم من الراجل ده
الاب صموئيل / متخافوش انتو صلو بس
الظابط: انتباه منك ليه انت وهو قرارات المحكمه الروسيه الاتحاديه
قرار رقم 1: حكمت المحكمه الروسيه الاتحاديه علي المدعو 535 بالاعدام رميا بالرصاص
ماركوس: حرااااام انا معملتش حاجه
الظابط: اخرص خالص لاعدمك دلوقتي
ماركوس : خلاص خرصت اهو
الظابط: قرار رقم 2: حكمت المحكمه الروسيه الاتحاديه بالسجن المؤبد علي رقم 513 بالسجن 25 عاما مع الاشغال الشاقه المؤبده
مارك: انا مش بقولك بتشائم من الراجل ده حرااااااام حراااام اللي بيحصل ده فينا ده انا كل اللي سرقتهم 6 حبال غسيل بس اخد عليهم مؤبد اومال لو سرقت 12 حبل كنت قضيت عمري كله في السجن
الظابط: اسكت .......
مارك: حاضر........
الظابط: قرار رقم 3: حكمت المحكمه الروسيه الاتحاديه علي الرقم 333: بالبراءه لعدم وجود دليل ضده ثم يخرج
ماركوس: حرام ده ظلم هعمل ايه هخرج من جحيم لجحيم حرام كده
مارك: طيب وانا اخد 25 سنه ليه علي ايه علي 6 حبال غسيل صدقوني مظلوم يا عالم
الاب صموئيل: متخافش يا ماركوس يا ابني
ماركوس: هيعدموني بكره وتقولي متخافش
مارك: هتتعدم بكره ......... ثم يضحك
ماركوس: انت بتضحك علي ايه ؟؟؟؟
مارك: انا فرحان انك هتتعدم ّّّ اصلك هتترحم من العذاب ده انا هقعد فيه 25 سنه
ثم يجسو في تلك اللحظه الاب صموئيل مصليا
يا رب يسوع المسيح ارحمني انا الخاطي انا الذي احتاج الي محبتك لاني لولاها ما عشت الي تلك اللحظه اشكرك علي تحننك ورأفتك اجعلني يا رب ان اتشبه بك وافعل افعالك وفدائك وانا خاطي لا استحق
ثم ينهض من مكانه ويمسك ماركوس من كتفيه قائلا :
انا بقولك متخافش انا هخلصك من الاعدام
ماركوس: ده اتجنن يا ابويا انت في حكم شيوعي عارف بقي يعني ايه شيوعي ..... ولا اعرفك
الاب صموئيل: بقولك هخلصك
ماركوس: ده بيتكلم بجد ويجري نحووه ويسأل طيب ازاااااااي؟؟؟؟ هنهرب ... هنكلم مسئل كبير .... ليك حد هنا ....
الاب صموئيل: طبعا لا
مارك: طيب هتخرجو ازاي
ماركوس: طيب هتقولي ازاي بلاش تلعب باعصابي حرام عليك
الاب صموئيل: هفديك
ماركوس: ازاي
الاب صموئيل: متشبها بالرب يسوع المسيح ... هموت مكانك
مارك: طيب ازاي وليه ؟؟؟؟
الاب صموئيل: بصو يا حبايبي نعمه ربنا ارشدتني اني اغير الارقام اني اخد رقم ماركوس وهو ياخد الرقم بتاعي وانت عارف الحكم الشيوعي قبل الاعدام بيوم بيعدموا الارقام بدون اسماء اهم حاجه عندهم الرقم وبس ومش مهم الشكل
ماركوس: طيب والظابط ما انت عارف انو الوحيد اللي هيعرف
الاب صموئيل: متخافش بالنسبه للظابط هو بيكرهني اساسا ولما يشوف كده هيسكت ده ما يصدق اني اموت وهو قالي كده قبل ما يقبض عليا
مارك: طيب ولو تاب ورجع في رأيه
ماركوس: فعلا لو الكلام ده حصل هنعمل ايه
الاب صموئيل: متخافش نعمه ربنا هتشتغل وهيعمي مش هيشوف حاجه وكمان مش هياخد باله
مارك: طيب وبتعمل ليه كده
الاب صموئيل: وده سؤال ؟؟ لما اله الكون عمل كده وفدانا بدمه انا الحشره معملش كده
وثانيا انا بشتاق للسماء وعايز ارتاح من اتعاب الارض وانتو الاتنين هتكونو احسن مني في نشر المسيحيه في كل مكان في روسيا وانتو شباب وانا قولت كده لايفان ان كلمه ربنا هتوصل وان ربنا ليه شهود في كل زمان ومكان وانتو هتبدأو من حيث ما انتهيت انا
مارك: طيب وانا محدش هيفديني
الاب صموئيل: انت هتكون خادم في السجن هتعرف الناس باسم المسيح وانت في السجن وكتير هيدخلو المسيحيه علي ايدك وانت يا ماركوس هتبقي كاهن عظيم هتقدر توصل روسيا كلها للمسيح
ماركوس: ياااااه كل ده هيحصل طيب وانت عرفت كل ده ازااي
الاب صموئيل : انا شوفت الكلام ده في رؤيا وانا في السجن ماركوس انا عاوزك تصلي
ويصلي ماركوس قائلا
اللهم ارحمني انا الخاطي انا اثق ان دمك يطهرني من كل ماضي وكل خطاياي ونجاسات قلبي اريد بنعمتك ان اعيش فيما بعد لاخدم اولادك انت ملكي انت الهي الحنون العطوف سامحني انا الشرير افتح زهني وعيني لكي اخدم ابنائك بقوه
الظابط: انتباه منك له رقم 535 اللي هيتنفذ عليه الحكم يخرج حالا
ويخرج الاب صموئيل ويجري عليه ماركوس جاريا اذكرني امام عرش النعمه يا ابي
الظابط: اكيد ضحيت بنفسك علشان خايف من العذاب اللي هتشوفو علي ايدي وانا هخبي الموضوع ده ومحدش هيعرف بيه خالص شوف انا قلبي حنين ازاااي
الاب صموئيل: شكرا يا ابني وانت كده قدمت لروسيا خدمه عظيمه وهتقدر تنشر الايمان في روسيا كلها بفعلك ده
الظابط: مش فاهم
الاب صموئيل: ستفهم فيما بعد
ويخرج الاب صموئيل الي اتجاه منصه الاعدام ويخرج ماركوس من اتجاه اخر وهو خارج السجن ومارك يفضل في الوسط
قائلا:
انا عارف يا رب انك هتخلصني بس مكنتش عارف الخطه ازاي او هتخلصني ازاي اشكرك يارب ثم تغلق الستاره
انتــــــــــــــــــــــــــــــــهي